The news is by your side.

Advertisement

آرمی چیف جنرل راحیل شریف افغان مذاکرات کی بحالی کے لئے کابل روانہ

کابل : آرمی چیف جنرل راحیل شریف افغانستان میں قیام امن کے لئے سہہ فریقی مذاکرات کے بحالی کے لئے منعقد ہونے والے اجلاس میں شرکت کے لئے ایک روزہ دورے پرکابل روانہ ہوگئے ہیں۔

تفصیلات کے مطابق افغانستان کے دورے میں آرمی چیف افغان سیاسی اورعسکری قیادت سےملاقات کریں گے اورملاقات کے دوران پاکستان، افغانستان اورطالبان کےدرمیان سہہ فریقی مذاکرات کےعمل کی بحالی پر بات کریں گے، ان مذاکرات میں امریکی نمائندےبھی شریک ہوں گے۔

دونوں ممالک کی سیاسی اورعسکری قیادت اس بات پرمتفق ہےکہ خطے میں قیام امن کے لیےمذاکرات کاعمل بحال کیاجائے اور فریقین جلدازجلد مذاکرات کی میز پرآجائیں۔

ذرائع کے مطابق آرمی چیف افغان عسکری قیادت سے دہشت گردی کے خلاف پاک افغان تعاون اورسیکیورٹی کے معاملات پر بھی تبادلہ خیال کریں گے۔

خطےمیں بدلتی ہوئی علاقائی صورتحال کے پیش نظرجنرل راحیل شریف کے دورہ افغانستان کوانتہائی اہم قراردیاجارہاہے۔

تجزیہ کاروں کاکہناہے آرمی چیف کا دورہ کابل ان کوششوں کا تسلسل ہے جن کا اظہاراسلام آباد کے ہارٹ آف ایشیاکانفرنس میں وزیراعظم اورافغان صدرکی جانب سےکیا گیا تھا۔

Print Friendly, PDF & Email

Comments

comments

یہ بھی پڑھیں