راولپنڈی : آرمی چیف جنرل قمرجاوید باجوہ کا کہنا ہے کہ پاکستانی قوم ملک دشمن قوتوں کیخلاف اتحاد کے ساتھ سینہ سپر ہے، قوم نے ثابت کردیا دہشت گردوں کو شکست دے کر رہیں گے۔
تفصیلات کے مطابق ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر کہا کہ آرمی چیف نے اپنا حق رائے دہی راولپنڈی میں استعمال کرلیا، جنرل قمرجاوید باجوہ کی اہلیہ بھی ان کے ہمراہ تھیں۔
آرمی چیف نے ایف جی قائداعظم سیکنڈری اسکول چکلالہ میں پی پی11 پولنگ اسٹیشن نمبر 45 پر ووٹ کاسٹ کیا۔
اس موقع پر آرمی چیف جنرل قمر جاوید باجوہ نے کہا کہ ایسی قوتوں کے نشانے پر ہیں جو پاکستان دشمن ہیں، ملک دشمن قوتوں کے خلاف بڑی حد تک کامیابیاں حاصل کی ہیں۔
COAS & his Mrs cast vote at Rwp.
“We are target of inimical forces working against Pak. We’ve come a long way in our comprehensive national effort to fail them. We are united & steadfast to defeat them, and ‘TODAY’ through our ‘VOTES’. Please come out & vote undeterred”, COAS. pic.twitter.com/J9DjRVNUAQ— Maj Gen Asif Ghafoor (@OfficialDGISPR) July 25, 2018
جنرل قمر جاوید باجوہ کا کہنا تھا کہ پاکستانی قوم ملک دشمن قوتوں کیخلاف اتحاد کیساتھ سینہ سپرہے، قوم نے ثابت کردیا دہشت گردوں کوشکست دے کر رہیں گے، قوم باہر نکل کر بلا خوف وخطر اپنے حق رائے دہی کا استعمال کرے۔
مزید پڑھیں: عام انتخابات 2018 کے لیے پولنگ کا عمل شروع
خیال رہے کہ ملک بھر میں عام انتخابات کے لیے پولنگ کا عمل جاری ہے، پولنگ صبح آٹھ بجے سے بلا تعطل شام 6بجے تک جاری رہے گی ، دس کروڑ 59 لاکھ سے زائد ووٹرز حق رائے دہی استعمال کریں گے۔
قومی اورصوبائی اسمبلیوں کی نشستوں کےلیےآزادامیدواروں سمیت مختلف سیاسی جماعتوں کے گیارہ ہزارسےزائد امیدواروں کے درمیان مقابلہ ہے۔