site
stats
اہم ترین

آرمی چیف پاکستان کی جمہوریت کے ساتھ ہیں: عمران خان

اسلام آباد: پاکستان تحریک انصاف کے چیئرمین عمران خان نے آرمی چیف سے ملاقات کا احوال مختصر جملے میں بیان کر دیا۔ انہوں نے کہا کہ قوم کے لیے اچھی خبر ہے، جنرل قمر جاوید باجوہ پاکستان کی جمہوریت کے ساتھ ہیں۔

تفصیلات کے مطابق اسلام آباد میں ماحولیاتی تبدیلیوں اور خیبر پختونخواہ میں بلین ٹری منصوبے کے حوالے سے تقریب منعقد ہوئی۔ تقریب سے خطاب میں عمران خان نے آرمی چیف کی جانب سے جمہوریت کی حمایت کو قوم کے لیے خوش خبری قرار دیا۔

یاد رہے کہ گزشتہ روز عمران خان نے آرمی چیف جنرل قمر باجوہ سے ملاقات کی اور مختلف امور پر تفصیلی تبادلہ خیال کیا۔

مزید پڑھیں: عمران خان کی آرمی چیف سے ملاقات

آئی ایس پی آر کے مطابق عمران خان نے آرمی چیف کو ترقی اور تعیناتی پر مبارکباد پیش کی۔

ذرائع کے مطابق دونوں کی ملاقات میں خطے کی صورتحال، بین الاقوامی حالات، دہشت گردی کی تازہ لہر اور اس کے انسداد کے امکانات موضوع گفتگو رہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top