The news is by your side.

Advertisement

عوام کی توقعات پر ہمیشہ پورا اتریں گے، عوام ہماری حقیقی طاقت ہیں، آرمی چیف

راولپنڈی: آرمی چیف جنرل قمر جاوید باجوہ نے کہا ہے کہ عوام کی توقعات پر ہمیشہ پورا اتریں گے، پاکستانی عوام ہماری حقیقی طاقت ہیں۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے سدرن کمانڈ ہیڈ کوارٹرز کا دورہ کیا، آرمی چیف کو نیشنل ایکشن پلان پر عملدرآمد سے آگاہ کیا گیا، خوشحال بلوچستان پروگرام کے تحت سماجی، اقتصادی منصوبوں پر بریفنگ دی گئی۔

پاک فوج نے داخلی خطرات ختم کرنے کے لیے بھرپور کردار ادا کیا

آرمی چیف

آئی ایس پی آر کے مطابق آرمی چیف نے اسکول آف انفینٹری کوئٹہ کا بھی دورہ کیا، جنرل قمر جاوید باجوہ کو سیکیورٹی صورت حال، آپریشن ردالفساد پر بھی بریفنگ دی گئی۔

آرمی چیف جنرل قمر جاوید باجوہ نے کہا کہ پاک فوج سرحدوں پر موثر انداز میں کردار ادا کررہی ہے، دہشت گردی، انتہا پسندی کے خلاف قوم نے بھرپور تعاون کیا۔

جنرل قمر جاوید باجوہ نے کہا کہ بلوچستان پاکستان کا مستقبل ہے، صوبائی حکومت، بلوچ عوام سے بہتر مستقبل کے لیے تعاون کریں گے۔

مزید پڑھیں: پاک فوج کے 23 افسران کو ستارہ امتیاز سے نواز دیا گیا، آئی ایس پی آر

آرمی چیف نے کہا کہ سماجی، اقتصادی اشاریے، سیکیورٹی صورت حال بہتر ہوئی ہے، پاک فوج نے داخلی خطرات ختم کرنے کے لیے بھرپور کردار ادا کیا ہے۔

Comments

comments

یہ بھی پڑھیں