The news is by your side.

Advertisement

آرمی چیف جنرل راحیل شریف کا دورہ چین، چار ملکی کانفرنس میں شرکت

راولپنڈی: ارمچی میں ہونے والے اعلیٰ سطح اجلاس میں پاک فوج کے سربراہ جنرل راحیل شریف نے شرکت کی۔

آئی ایس پی آر کے مطابق چین کے شہر ارمچی میں چار ملکی فوجی تعاون گروپ کا انسداد دہشت گردی سے متعلق امور پر اجلاس ہوا جس میں پاکستان کے آرمی چیف جنرل راحیل شریف سمیت افغان آرمی چیف شاہ شاہین اور چین کے چیف آف جوائنٹ اسٹاف جنرل فینگ اور تاجکستان کے اول نائب وزیر دفاع اور چیف آف جنرل اسٹاف جنرل کوبیڈر زوڈا نے شرکت کی۔

پاکستان، افغانستان، چین اور تاجکستان کی افواج نے دہشتگردی کے خاتمے کیلئے تعاون کا میکنزم بنا لیا، چار ملکی تعاون میکنزم کا اعلان اورمچی میں اعلیٰ سطح کے اجلاس میں کیا گیا۔

جاری کردہ اعلامیہ کے مطابق اجلاس میں چاروں ملکوں کی عسکری قیادت نے دہشت گردی اور انتہا پسندی کے خاتمے کے لئے سنجیدہ کوششوں پر اتفاق کیا۔

اعلامیہ میں کہا گیا کہ دہشت گردی اور انتہا پسندی ، علاقائی استحکام کے لئے شدید خطرہ ہے، چار فریقی افواج میں کوآرڈینیشن کے لئے رابطے قائم کریں گے۔

انسداد دہشتگردی ، شواہد کے جائزے، اطلاعات کے تبادلے اور تربیتی امور میں تعاون پر اتفاق اقوام متحدہ کے چارٹر کے مطابق تمام فریقین اقدامات اٹھائیں گے، رکن ممالک امن و امان استحکام کے لئے کوششیں جاری رکھیں گے، گروپ کسی ریاست یا بین الاقوامی تنظیم کے خلاف قائم نہیں کیا گیا۔

Print Friendly, PDF & Email

Comments

comments

یہ بھی پڑھیں