تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

پاک فوج ایل او سی پر عوام کا تحفظ یقینی بنائے گی، آرمی چیف

راولپنڈی: آرمی چیف جنرل قمر جاوید باجوہ کا کہنا ہے کہ پاک فوج لائن آف کنٹرول (ایل او سی) پر عوام کا تحفظ یقینی بنائے گی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کور ہیڈ کوارٹرز راولپنڈی کا دورہ کیا، آرمی چیف کو لائن آف کنٹرول کی تازہ ترین صورتحال سمیت فارمیشنز کی آپریشنل تیاریوں پر بھی بریفنگ دی گئی۔

پاک فوج کے سپہ سالار کا کہنا تھا کہ بھارتی فوج ایل او سی پر شہری آبادی کو جان بوجھ کر نشانہ بنارہی ہے، پاک فوج ایل او سی کے عوام کا تحفظ یقینی بنائے گی۔

واضح رہے کہ گزشتہ روز آرمی چیف جنرل قمر جاوید باجوہ نے ایف ڈبلیو او ہیڈ کوارٹرز کا دورہ کیا تھا، ہیڈ کوارٹرز پہنچنے پر انجینئر اینڈ چیف لیفٹیننٹ جنرل معظم اعجاز نے ان کا استقبال کیا تھا، اس موقع پر ڈی جی ایف ڈبلیو او میجر جنرل کمال اظفر بھی موجود تھے۔

آرمی چیف جنرل قمر جاوید باجوہ کو ایف ڈبلیو او کے تحت مختلف منصوبوں پر بریفنگ دی گئی تھی۔

آرمی چیف نے ایف ڈبلیو او کے زیر انتظام منصوبوں پر پیش رفت پر اطمینان کا اظہار کیا، جنرل قمر جاوید باجوہ نے قومی اہمیت کے منصوبوں کو بروقت مکمل کرنے کی ہدایت کی تھی۔

Comments

- Advertisement -