The news is by your side.

Advertisement

بھارت: نشے میں دھت نوجوان نے زہریلا سانپ اٹھا لیا

مہاراشٹر: بھارت میں نشے میں دُھت ایک نوجوان کو زہریلا سانپ اٹھانا اور اس کے ساتھ کھیلنا نہایت مہنگا پڑ گیا۔

تفصیلات کے مطابق بھارتی ریاست مہاراشٹر کے شہر ناسک میں اسکول کے اندر نشے میں چُور ایک نوجوان منگیش بھاؤ نے کوبرا سانپ پکڑ لیا، جس نے وہاں دیکھنے والوں کے ہوش اڑا دیے۔

نوجوان نے نہ صرف کوبرا ہاتھوں میں اٹھایا تھا بلکہ اس کے ساتھ کھیلنے بھی لگا، اور اس دوران سانپ نے اسے 4 بار کاٹ لیا۔

موقع پر موجود دیہاتیوں نے نوجوان کی منتیں کیں، سمجھانے کی کوشش کی لیکن نشے میں ہونے کی وجہ سے اسے خطرے کا احساس نہ ہو سکا، جس کا یہ نتیجہ نکلا کہ سانپ کے کاٹے کی وجہ سے اس کی حالت بگڑ گئی۔

دیہاتیوں نے اسے تشویش ناک حالت میں ضلع پریشد کے اسپتال پہنچایا، جہاں اس کی جان بچانے کی کوشش کی جا رہی ہے۔

مقامی افراد نے میڈیا کو بتایا کہ منگیش نے نشے میں چُور ہو کر سانپ پکڑا تھا، کاٹنے پر اس نے اسے مارنے کی بھی کوشش کی لیکن ناکام رہا۔

واضح رہے کہ چند دن قبل ضلع وردھا کی تحصیل سمندر پور میں رات کے وقت ایک گھر میں کوبرا سانپ گھس گیا تھا، جس کی وجہ سے شیلکے خاندان کو وہ رات سڑک پر جاگ کر گزارنی پڑی تھی، اور صبح ایک سپیرے کی مدد سے سانپ کو گھر سے نکالا گیا۔

Comments

یہ بھی پڑھیں