The news is by your side.

Advertisement

کراچی: مرغوں کی لڑائی پر جوا‘ 2 افراد گرفتار‘ ایس ایچ او معطل

کراچی: شہرِ قائد کے علاقے اورنگی ٹاؤن میں مرغوں کی لڑائی پر سرعام لاکھوں کا جوا کھیلا جانے لگا‘ اے آروائی نیوز پر خبر نشر ہونے کے بعد ڈی آئی جی ویسٹ نے واقعے کا نوٹس لیتے ہوئے جواریوں کی گرفتاری کےاحکامات صادر کردیے۔

تفصیلات کےمطابق اورنگی ٹاؤن کے مومن آباد کی بسم اللہ کالونی میں واقع کبڈی گراؤنڈ میں باقاعدہ شامیانہ لگا کر مرغوں کی لڑائیوں کے مقابلے کا انعقاد کرایا گیا‘ جس میں لاکھوں روپے کا جوا کھیلا جارہا تھا۔

ذرائع کے مطابق جرائم پیشہ عناصر اس مقابلے کا باقاعدہ اہتمام کرتے ہیں اور اس موقع پر پولیس کبڈی گراؤنڈ کی طرف نہیں آتی ہے‘ ایس ایچ او مومن آباد کا بیٹر مخصوص اوقات میں آکر رشوت کی رقم لےجاتا ہے۔

مرغوں کی لڑائی کے ان مقابلوں پر پانچ ہزار سے لے کر پچا س ہزار تک کی شرطیں لگتی ہیں اور مجموعی طور پر لاکھوں روپیہ کا جوا کھیلا جاتا ہے۔ اتوار کے دن صبح 11 بجے سے شام پانچ بجے تک یہ کام زوروں پر ہوتا ہے۔

اےآروائی نیوزپر مرغوں کی لڑائی پرجوا کھیلنےکی خبرنشر ہونے کے بعد ڈی آئی جی ویسٹ نےجوئےکے اس اڈے نوٹس لیتے ہوئے ایس پی اورنگی کو سخت کارروائی کی ہدایت کرتے ہوئے کہا ہے کہ جسےجوا کھیلتے دیکھیں گرفتارکرلیں۔

ڈی آئی جی وسٹ کی ہدایت پر ایس پی اورنگی عابد بلوچ نے کارروائی کرتے ہوئے ایس ایچ اور کو معطل کرتے ہوئے عہدے میں تنزلی کردی جبکہ مرغوں کی لڑائی میں ملوث 2 افراد کو گرفتار کرلیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں