The news is by your side.

Advertisement

کافی کے حیران کن فوائد

بہت سے لوگ چائے کے مقابلے میں کافی کا انتخاب کرتے ہیں اور خاص طور صبح کو موڈ خوشگوار بنانے کے لیے کافی کو ترجیح دیتے ہیں لیکن کچھ لوگ کافی کا استعمال حد سے زیادہ کرتے ہیں مگر وہ اس کے منفی اور مثبت اثرات سے لاعلم ہوتے ہیں۔

ماہرین صحت کا کہنا ہے کہ کیفین کی کم مقدار کے ساتھ یومیہ کافی کے6 کپ انسان کو چاق وچوبند رہنے کے قابل بناتے ہیں۔

اسی حوالے سے اے آر وائی نیوز کے پروگرام باخبر سویرا میں ماہر صحت ڈاکٹر جاوید اکرم نے کافی کے فوائد پر روشنی ڈالی اور اس کی افادیت سے متعلق آگاہ کیا۔

انہوں نے بتایا کہ کافی کے مثبت اثرات کی وجہ اس میں پایا جانے والا سب سے اہم جزو کیفین ہے، انسانی جسم پر کیفین کے مثبت اثرات کئی تحقیقات کے ذریعے تسلیم شدہ ہیں۔

ڈاکٹر جاوید اکرم کا کہنا تھا کہ کافی میں موجود کیفین خون میں اینڈرلائن ( جسم کو مشقت کے لیے تیار کرنے والا ہارمون )کی سطح کو بڑھا کر کارکردگی میں اضافہ کرتا ہے۔ اس کے علاوہ کیفین چربیلے خلیوں کو توڑنے کے علاوہ ان کو جسم کے لیے بطور ایندھن استعمال کرنے میں مدد دیتی ہے۔

Comments

یہ بھی پڑھیں