The news is by your side.

Advertisement

فواد خان کافی ود کرن کے سیزن6 کے پہلے مہمان

ممبئی :پاکستانی چارمنگ ہیرو فواد خان کا بالی ووڈ میں کامیابی کا سفرجاری ہے اور اب وہ کرن جوہر کے کامیاب شو ’کافی ود کرن‘ کے نئے سیزن کی پہلی قسط میں مہمان بن کر شریک ہوں گے۔

تفصیلات کے مطابق بالی ووڈ کے نامور ہدایت کار کرن جوہر کا شو’’کافی ود کرن‘‘ کافی مقبول ہے۔شو میں کئی بڑے بڑے اداکارو ہدایت کاراپنی زندگی اور پیشہ وارانہ امور سے متعلق انکشافات کرتے ہیں جبکہ کرن جوہر کے شو کا نیا سیزن شروع ہونے والا ہے۔

fawad-post-3

’کافی ود کرن‘ کی پہلی قسط میں مہمان کے طور پر شرکت کے لیے شاہ رخ خان اورسلمان خان کا نام لیا جارہا تھا لیکن اب پاکستانی اداکار فواد خان نے فلم نگری کے حکمران خانز کو پیچھے چھوڑ دیا ہے۔

fawad-post-1

میڈیا رپورٹس کے مطابق فواد خان کے ساتھ اس شو کی پہلی قسط میں عالیہ بھٹ اور دپیکا پڈوکون میں سے کسی ایک کو شامل کرنے کا خیال پیش کیا گیا ہے تاہم اب تک فیصلہ نہیں کیا گیا۔

fawad-post-2

مزید پڑھیں: میری فلم میں کام کرنے کے لیے فوادخان کا شکرگزار ہوں،کرن جوہر

یاد رہے کہ اس سے قبل بالی ووڈ کے نامور ڈائریکٹر کرن جوہر کا کہنا تھا کہ فواد خان نے میری فلم میں کام کیا جس پر میں ان کا بے حد شکرگزار ہوں۔

واضح رہے کہ فواد خان اور عالیہ بھٹ ایک ساتھ فلم ’کپور اینڈ سنز‘ میں کام کرچکے ہیں، تاہم دپیکا پڈوکون اور فواد خان نے اب تک کسی فلم میں ایک ساتھ کام نہیں کیا۔

Print Friendly, PDF & Email

Comments

comments

یہ بھی پڑھیں