The news is by your side.

Advertisement

پاریک: کوک اسٹوڈیو کے پلیٹ فورم سے کالاشی فوک میوزک کا انوکھا تجربہ

کراچی: کوک اسٹوڈیو نے گم نام گلوکاروں کی آواز میں ریکارڈ ہونے والے کالاشی فوک گیت پاریک کی میوزک ویڈیو جاری کر دی۔

تفصیلات کے مطابق نئے فن کاروں کی کھوج کے لیے شروع کردہ کوک اسٹوڈیوایکسپلورر کے تحت گیت ”پاریک“ کی ویڈیو ریلیز کی گئی ہے۔

ویڈیو کالاش کے حسین اور دل موہ لینے والے مناظر کا احاطہ کرتی ہے، اس گیت کو وادی کالاش ہی کی دو نوجوان سنگرز آرینا اور آمرینا نے آواز دی ہے۔

اس منفرد تجربے میں کیلاشی ثقافت کے حسین رنگوں کے ساتھ ساتھ ہم کالاش کے زرخیر فوک میوز ک سے رو شناس ہوتے ہیں، نیز ہمیں ان باصلاحیت فن کاروں کی بھی خبر ملتی ہے، جو پاکستان کے چھوٹے شہروں اور وادیوں میں موجود ہیں۔

پاریگ گیت کو سوشل میڈیا پر بھرپور ردعمل ملا، جہاں اسے یوٹیوب پر بار بار دیکھا گیا، وہیں یہ ٹویٹر پربھی ٹرینڈ بنا رہا۔

یاد رہے کہ کوک اسٹوڈیو نے لوک موسیقی کو پروان چڑھانے کے لیے ٹیلنٹ ہنٹ پروگرام کیا ہے، اس ضمن میں‌ کوک اسٹوڈیو سیزن 11 کے میوزک پروڈیوسر علی حمزہ اور زوہیب قاضی نے پس ماندہ علاقوں سمیت ملک کے مختلف صوبوں کا دورہ کیا، اور وہاں موجود چھپے ٹیلنٹ کو تلاش کیا.

کالاشی فوک میوزک پر مبنی پاریک ایسی ہی ایک کاوش ہے، جس نے لوگوں‌ کے دل جیت لیے ہیں.


کوک اسٹوڈیو نے باصلاحیت گلوکار تلاش کرلیے


 خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں