اسلام آباد: محمکہ موسمیات کے مطابق زلزلے سے متاثرہ علاقوں میں آئندہ 72 گھنٹوں میں موسم خشک اور سرد رہے گا۔
پاکستان میٹرولاجیکل ڈیپارٹمنٹ کی رپورٹ کے مطابق خیبرپختونخواہ کے ضلع چترال، اپردیر، لوئر دیر، سوات، بونیر، مالاکنڈ، شانگلہ، بٹ گرام اور مانسہرہ میں آئندہ تین روز تک موسم سرد اور خشک رہنے کا امکان ہے۔
محمکہ موسمیات کے مطابق خیبرپختونخواہ سے ملحقہ قبائلی علاقے بشمول باجوڑ، مہمند اورخیبرایجنسیزمیں بھی موسم سرد اور خشک رہے گا۔
میٹ آفس نے اپنی رپورٹ میں یہ بھی کہا ہے کہ گلگت بلتستان کے ضلع استور، دیامیر، گلگت، غزرِ، ہنزہ اور نگر میں بھی آئندہ تین روز تک موسم سرد اور خشک رہے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں