کراچی میں تیز اور گرد آلود ہواؤں سے سردی کی شدت میں مزید اضافے کا امکان
The news is by your side.

Advertisement

کراچی میں تیز اور گرد آلود ہواؤں سے سردی کی شدت میں مزید اضافے کا امکان

کراچی : محکمہ موسمیات کا کہنا ہے کہ کراچی میں تیز اور گرد آلود ہواؤں کے باعث سردی کی شدت میں مزید اضافے کا امکان ہے، سردی کی نئی لہر کا سلسلہ 2 روز تک جاری رہےگا۔

تفصیلات کے مطابق اسلام آباد لاہور سمیت ملک کے مختلف شہروں میں بارش سے سردی کی شدت مزید بڑھ گئی اور کراچی میں بھی یخ بستہ ہوائوں کا راج ہے۔

محکمہ موسمیات کا کہنا ہے کہ کراچی میں آج موسم سرد رہےگا جبکہ گرد آلود ہوائیں متوقع ہے ، شمال مغربی ہواوں کےباعث سردی کی شدت میں اضافے کا امکان ہے، تیز ہواؤں ،سردی کی نئی لہر کا سلسلہ 2 روز تک جاری رہےگا۔

شہر کا موجودہ درجہ حرارت 16 ڈگری سینٹی گریڈ اور ہوامیں نمی کاتناسب28 فیصد ہے جبکہ اس وقت ہوا 27 ناٹیکل میل فی گھنٹے کی رفتارسےچل رہی ہے۔

محکمہ موسمیات کے مطابق شہر کا کم سے کم درجہ حرارت 12سے 14 ڈگری سینٹی گریڈ رہنے کا امکان ہے۔

دوسری جانب اسلام آباد ، راولپنڈی ، لاہور ، راجن پور، پسرور، خانپور وہاڑی سمیت مختلف شہروں میں بارش اور ژالہ باری سے سردی کی شدت میں مزیداضافہ ہوگیا جبکہ دیر بالا، بٹگرام، چترال، مانسہرہ، سوات میں ہر سو سفیدی چھائی ہے اور مختلف علاقوں میں متعدد رابطہ سڑکیں بند ہونے سے سیاحوں کو مشکلات درپیش ہیں۔

قلات میں بارش اور برفباری کے بعد سردی بڑھ گئی ہے جبکہ چمن شدید سردی کی لپیٹ میں ہے اور یخ بستہ ہوائیں چلنے سےنظام زندگی مفلوج کردیا ہے ، قلات میں درجہ حرارت منفی سات، زیارت میں منفی 6 چمن میں منفی 3 رکارڈ کیا گیا، جوہڑ تالاب اور سڑکوں پر بہتا پانی جم گیا۔

چمن سمیت شمال مشرقی بلوچستان میں مطلع ابرالود ہے، کو ئٹہ چمن شاہراہ کو ٹریفک کی آمدورفت کے لئے کھول دیا گیا ہے۔

Comments

comments

یہ بھی پڑھیں