The news is by your side.

Advertisement

وائرل انفیکشن کورونا وائرس ہے یا نہیں؟ ویڈیو دیکھیں

کراچی : نزلہ زکام کھانسی ایک ایسا وائرس ہے جو ہمارے منہ یا ناک سے چھینکتے یا کھانستے ہوئے نکلنے والے قطروں سے پھیلتا ہے جو کہ کسی دوسرے شخص کے سانس کے ذریعے ناک یا منہ میں داخل ہو کر اس شخص میں انفیکشن کے امکانات بڑھا دیتا ہے۔

اس کے علاوہ کسی وائرس آلود چیز یا سطح پر ہاتھ لگا کر بغیر دھوئے اگر منہ یا ناک پر لگایا جائے تو بھی انفیکشن ہو سکتا ہے لیکن یہ نسبتا نایاب طریقہ ہے۔ فلو کی علامات میں بخار، جسم درد، گلا خراب، بہتی ہوئی ناک، بھوک کم لگنا، کھانسی اور سر درد شامل ہیں۔ تاہم ڈائریا اور الٹی بھی آسکتی ہے مگر یہ علامات بھی نسبتا نایاب ہیں۔

انفلوائنزا جسے عرف عام میں فلو کہتے ہیں ہمارے سانس کے نظام میں انفیکشن کے باعث اکثر ہمیں اپنی لپیٹ میں لے لیتا ہے۔ انفلواینزا ایک وائرس ہے جس کے پیش نظر اس کے علاج میں اینٹی بائیوٹک کارگر نہیں ہو سکتی۔

عموما نزلہ زکام ایک کم مدت تک رہنے والی علالت ہے لیکن کچھ عمر رسیدہ اور لاغر افراد، شیرخوار بچے اور کم قوت مدافعت والے افراد میں یہ بیماری نمونیا، برونکائٹس یا ہلاکت جیسی پیچیدگیوں کا باعث بن سکتی ہے۔

کیا موسم کی تبدیلی سے ہونے والے نزلہ زکام اور کھانسی مریض میں کورونا وائرس کی علامات کو ظاہر کرتے ہیں ؟ اس حوالے سے اے آور وائی نیوز کے پروگرام باخبر سویرا میں ڈاکٹر محمود نے تفصیل سے روشنی ڈالی۔

ڈاکٹر فیصل محمود کا کہنا تھا کہ ضروری نہیں کہ وائرل انفیکشن میں ہونے والے نزلہ زکام کھانسی کو کوویڈ 19کی علامت نہیں کہا جاسکتا، تاہم جب اس کی شدت میں اضافہ ہوجائے تو مریض کو کورونا ٹیسٹ کرالینا چایئے تو بہتر ہوگا۔

ان کا کہنا تھا کہ کرونا وائرس سے بچاؤ کیلئے احتیاطی تدابیر پر عمل جاری رہنا چاہیے اپنے ہاتھوں کو ہر قسم کے جراثیم سے پاک
رکھنا بھی ضروری ہے۔

نزلہ و زکام سے بچاؤ کا دیسی علاج

انسان کو جب نزلہ و زکام ہوتا ہے تو اس پر بد حالی کی کیفیت طاری ہو جاتی ہے اور وہ کام کرتے کرتے اُکتا جاتا ہے اور کام کی رفتار میں بھی خاصی کمی آجاتی ہے ، ایسی صورتحال میں آپ کو ہر بار ڈاکٹر کے پا س جانے کی ضرورت نہیں۔

جب نزلہ و زکام ہو تو دودھ میں ہلدی ،تھوڑا سا ادرک کا رس اور چٹکی بھر پسی کالی مرچ ملا کر پی لیں تو اس بھی نزلہ و زکام میں خاصا فرق پڑ جاتا ہے۔

اس کے علاوہ ایک کپ گرم پانی میں دو سے تین کھانے کے چمچ سیب کا سرکہ اور حسبِ ضرورت شہد ملا کرپیا جائے، نزلہ و زکام کے دوران وٹامن سی ،دھوپ اور تیز پیاز کی خوشبو بھی آس کا بہترین علاج ہے۔

پیاز کاٹ کر تلوؤں پر رگڑنے سے نزلہ و زکام میں فائدہ ہو تا ہے کیونکہ اس میں بخار کو باہر نکا ل پھینکنے کی صلاحیت موجود ہوتی ہے۔

Comments

یہ بھی پڑھیں