تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ویڈیو: کھولتے ہوئے لاوے کو جمع کرنے کا خطرناک عمل

آپ نے مختلف ممالک میں آتش فشاں پہاڑوں سے لاوا ابلنے کے بارے میں تو ضرور سنا ہوگا، جو اپنے آس پاس کے علاقوں میں پھیل کر تباہی مچادیتے ہیں۔ آج ہم آپ کو اس لاوے کی ایک انوکھی ویڈیو دکھانے جارہے ہیں۔

یہ ویڈیو ایک ماہر ارضیات کی ہے جو پگھلے اور کھولتے ہوئے لاوے کو جمع کر رہا ہے۔ ویڈیو میں نظر آنے والے مناظر حیران کن دکھائی دے رہے ہیں جس میں یہ ماہر برق رفتاری سے نہ صرف اپنا کام کر رہا ہے بلکہ اس کھولتے ہوئے لاوے سے اپنے آپ کو محفوظ بھی رکھے ہوئے ہے۔

اس گرم کھولتے ہوئے سیال مادے کو پانی کی بالٹی میں ڈالا جارہا ہے، لاوے کی گرماہٹ سے بالٹی میں موجود پانی بھی کھول اٹھا ہے اور اس میں سے دھواں نکلتا دکھائی دے رہا ہے۔

پانی کی وجہ سے لاوا فوراً جم گیا ہے البتہ یہ ابھی بھی خطرناک حد تک گرم ہے۔ یہ عمل اس لیے ضروری ہے تاکہ پگھلے ہوئے لاوے میں کرسٹل نہ بنیں، لاوے میں کرسٹل پیدا ہوجانے کے بعد یہ مختلف دھاتوں میں تبدیل ہوجاتا ہے۔

بعد ازاں یہ لاوا لیبارٹریز میں لے جایا جائے گا اور اس پر تحقیق کی جائے گی۔

مذکورہ ویڈیو امریکی ریاست ہوائی میں واقع کیلیویا آتش فشاں پہاڑ کی ہے جس نے 2 سال قبل بڑے پیمانے پر لاوا اگلا تھا۔

اس پہاڑ سے لاوا نکلنے کا عمل جاری رہتا ہے اور یہاں سے باقاعدگی سے لاوا جمع کیا جاتا ہے۔ اس کا مقصد پہاڑ کے اندر موجود لاوے کی ساخت اور اس کے پھٹنے کے وقت اور شدت کا اندازہ لگانا ہے۔

Comments

- Advertisement -