بگوٹا: دنوں میں ایک دن ایسا بھی ہے جسے لوگ بھرپور سستی کے ساتھ مناتے ہیں، اس دن لوگ گھروں سے بیڈ نکال کر سڑکوں پر نکل آتے ہیں۔
تفصیلات کے مطابق آپ کو یہ جان کر حیرت ہوگی، اور سست مزاج لوگ یہ معلوم کر کے خوش ہوں گے کہ گزشتہ روز سستی کا عالمی دن منایا گیا، اور یہ دن کولمبیا میں ہر سال منایا جاتا ہے۔
VIDEO: Colombians celebrate "World Laziness Day”.
Colombians parade on beds in a celebration of idleness held every year in the northwestern city of Itagüí pic.twitter.com/A0KjIJGzdd
— AFP News Agency (@AFP) August 22, 2022
ہنستے گاتے، باجا بجاتے، بستر پر لیٹے لیٹے سڑکوں پر اپنی نوعیت کے عجیب و غریب پریڈ کے یہ مناظر کولمبیا کے آرام پسند افراد کے ہیں۔ کوئی اپنے گھر سے ڈبل بیڈ لے آیا، تو کوئی سنگل بیڈ پر سوتا نظر آیا، اس پریڈ کے ذریعے کچھ نہ کرنے کے فن کو اجاگر کیا جاتا ہے۔
کولمبیا کے شہر ایٹاگی میں ہر سال سستی کا دن منایا جاتا ہے، شہری سڑکوں پر بستر اور تکیے لگا کر اس دن منفرد انداز میں پریڈ کرتے ہیں۔
پریڈ میں شریک افراد کا کہنا ہے کہ زندگی کا مقصد صرف کام کرنا ہی نہیں ہے بلکہ زندگی میں چند لمحات آرام کے بھی ہیں، واضح رہے کہ کولمبیا میں یہ دن 1985 سے منایا جا رہا ہے۔
دراصل ورلڈ لیزینس ڈے 10 اگست کو منایا جاتا ہے، سستی کا یہ دن کولمبیا کے شہر ایٹاگی میں منعقد ہونے والے صنعت، تجارت اور ثقافت کے تہوار کا اختتامی دن ہے۔ کولمبیائی باشندوں نے گزشتہ روز یہ دن منایا اور بستروں پر مارچ کیا، منفرد بات یہ ہے کہ شہری اپنی سستی کو عوامی جلوس کی شکل میں مناتے ہیں۔
