اسلام آباد: ملک کےمختلف شہروں میں سیکیورٹی فورسز نےکومبنگ آپریشن کےدوران 3دہشت گرد ہلاک جبکہ 113افرادکوگرفتار کرلیا۔
تفصیلات کےمطابق ملک میں حالیہ دہشت گردی کی لہرکےبعد سیکیورٹی اداروں نے مختلف شہروں میں کومبنگ آپریشن کے دوران 113افراد کو حراست میں لیا ہے۔
خیبرپختونخواہ کے شہر ڈی آئی خان کے علاقے کلاچی مڈی روڈ پر سیکیورٹی فورسز نےکارروائی کے دوران 3دہشت گردوں کو ہلاک کردیا۔سیکورٹی حکام کےمطابق ہلاک دہشتگرد متعدد وارداتوں میں مطلوب تھے۔
دوسری جانب کراچی میں بھی رات گئے پولیس نے مختلف علاقوں میں سرچ آپریشن کے دوران 37 ملزمان کو گرفتار کرلیا،آپریشن کے دوران فائرنگ سے 1اہلکار زخمی ہوا۔
مزید پڑھیں:ملک بھرمیں دہشت گردوں کیخلاف گھیرا تنگ، 40 ہلاک
ادھرراولپنڈی ،ٹیکسلا اور پتوکی میں رات گئےقانون نافذکرنےوالےاداروں نےسرچ آپریشن کے دوران 33ملزمان کوگرفتار کرلیا۔ایبٹ آباد میں سبزی منڈی کےقریب سےتین غیرملکیو ں سمیت تیرہ افراد کو گرفتار کر کے اسلحہ برآمد کیاگیا۔
مزید پڑھیں:سیکورٹی فورسز کی مختلف شہروں میں کارروائیاں‘29دہشت گرد ہلاک
واضح رہےکہ گزشتہ روزملک کےمختلف شہروں میں قانون نافذ کرنےوالےاداروں نےکارروائیوں کےدوران 29افراد مارے تھے۔
