The news is by your side.

Advertisement

کامیڈی کنگ عمرشریف کی میت آج جرمنی سے کراچی کیلئے روانہ ہوگی

برلن : لیجنڈری اداکار عمر شریف میت آج جرمنی سے براستہ استنبول کراچی کےلیے روانہ کی جائے گی۔

لیجنڈری اداکار و پاکستان کا فخر عمر شریف کی میت کل پانچ بج کر پینتالیس منٹ پر براستہ استنبول کراچی پہنچے گی جس کے بعد میت کو سماجی ادارے کے سرد خانے منتقل کر دیا جائے گا۔

عمر شریف کی بیوی زریں غزل بھی پرواز سے کراچی پہنچیں گی، سول ایوی ایشن کی جانب سے کارگو ٹرمینل پر انتظامات مکمل کرلیے گئے ہیں۔

عمر شریف کی نماز جنازہ کل سہ پہر عمر شریف پارک کلفٹن میں ادا کی جائے گی جب کہ تدفین عبداللہ شاہ غازی کے مزار سے متصل قبرستان میں کی جائے گی۔

خیال رہے کہ کامیڈی کنگ عمرشریف دو روز قبل 66 برس کی عمر میں جرمنی کے اسپتال میں دوران علاج انتقال کرگئے تھے، جن کی نماز جنازہ کل جرمنی کے شہر نیورمبرگ میں بھی ادا کی گئی تھی۔

Comments

یہ بھی پڑھیں