کراچی:اسسٹنٹ کمشنرز چھاپوں کے اختیارات سے محروم -
The news is by your side.

Advertisement

کراچی:اسسٹنٹ کمشنرز چھاپوں کے اختیارات سے محروم

کراچی : شہر قائد میں مہنگائی پر قابو کیوں نہیں پایا جاسکا۔ اےآروائی نیوز ایٹ سکس نے کھوج لگالیا۔ کمشنر کراچی نے تمام اسسٹنٹ کمشنرکے پر کاٹ دیئے۔

تفصیلات کے مطابق نئے کمشنر کراچی اعجاز احمد خان نےتعیناتی کے بعد سے اسسٹنٹ کمشنرز کو تاحال چھاپوں اور چالان کرنےکا اختیار ہی نہیں دیا۔

کمشنرکراچی نے یومیہ ریٹ لسٹ جاری کرنے کی سختی سے ہدایت تو کی ہے مگر عمل درآمد کرانے کیلئے کوئی پلان نہیں دیا۔ رمضان سے ایک روز پہلے کمشنر کراچی نے میٹنگ کا انعقاد کیا، مگر کوئی فیصلہ سامنے نہیں آیا۔

اس حوالے سے آج بھی بیٹھک کی گئی لیکن نتیجہ صفر ہی رہا۔ کراچی کے بازاروں میں کھانے پینے کی چیزیں مہنگی بیچنے والوں کے خلاف کون کارروائی کرے گا۔

کراچی کا والی وارث کوئی نہیں۔ اسسٹنٹ کمشنرز کو چھاپے سے متعلق اختیارات نہیں دیئے گئے۔ اسسٹنٹ کمشنرز کے پاس زائد دام وصول کرنے والوں کے خلاف تاحال کارروائی کرنے کا کوئی اختیار نہیں ہے۔

یاد رہے کہ اعجاز علی خان کو آصف حیدر شاہ کی جگہ نیا کمشنر کراچی مقرر کیا گیا ہے، جنہوں نے عہدے کا چارج سنبھال کر کام شروع کردیا ہے۔

 

Comments

comments

یہ بھی پڑھیں