راولپنڈی: پاکستان کرکٹ بورڈ (پی سی بی) نے پاکستان زمبابوے سیریز کے لئے کمنٹری پینل کا اعلان کردیا ہے۔
تفصیلات کے مطابق پاکستان اور زمبابوے کے درمیان سیریز کے لیے کمنٹری پینل کا اعلان کردیا گیا ہے، وسیم اکرم، ایلکن ولکنز، بازید خان، رمیز راجہ، ٹینو موائیو اور عروج ممتاز پینل میں شامل ہیں۔
وسیم اکرم صرف ٹی ٹوئنٹی سیریز میں کمنٹری کریں گے جب کہ عروج ممتاز صرف ایک روزہ میچز کی سیریز میں کھیل پر تبصرہ کریں گی۔
PCB releases broadcast details for Pakistan v Zimbabwe series
MORE: https://t.co/Ek7rQR14LJ#PAKvZIM #HarHaalMainCricket pic.twitter.com/e6vvO1Uofu
— PCB Media (@TheRealPCBMedia) October 28, 2020
پاکستان کرکٹ بورڈ غیر ملکی کمپنی کے اشتراک سے سیریز کی ایچ ڈی پروڈکشن خود کرے گا، ایچ ڈی کوریج کے دوران 18 کیمروں کا استعمال کیا جائے گا، آئی سی سی قوانین کے تحت سیریز کے دوران ڈی آر ایس کی سہولت بھی میسر ہوگی۔
یہ بھی پڑھیں: زمبابوے ٹیم کے اہم کھلاڑی پی سی بی کی میزبانی کے معترف
واضح رہے کہ پاکستان اور زمبابوے کے درمیان 3 ایک روزہ اور تین ٹی ٹوئنٹی میچز کھیلے جائیں گے، ون ڈے انٹرنیشنل سیریز کا پہلا میچ 30 اکتوبر کو پنڈی کرکٹ اسٹیڈیم راولپنڈی میں کھیلا جائے گا۔
