اس سال اللہ خیر کرے گا، اگلے سال سارے انتظامات ہوجائیں گے، کمشنر کراچی -
The news is by your side.

Advertisement

اس سال اللہ خیر کرے گا، اگلے سال سارے انتظامات ہوجائیں گے، کمشنر کراچی

کراچی : کمشنر کراچی اعجاز احمد مون سون بارشوں سے نمٹنے کے لئے اقدامات نہ کرسکے تو اب دعاوں پر آگئے ہیں، انکا کہنا ہے کہ اس بار اللہ خیر کرے گا، اگلے سال سارے انتظامات ہوجائیں گے۔

دو ہفتے پہلے اپنا عہدہ سبنھالنے والے کمشنر کراچی نے بارشوں کے بعد ہاتھ کھڑے کردیئے، انکا کہنا ہے کہ سالوں کے مسائل دو دن میں حل نہیں ہوسکتے۔

سیلابی ریلے میں ڈوبے سعدی گارڈن کے دورے کے موقع پر کمشنر کراچی میڈیا کے سوالوں کو برداشت نہ کرسکے اور صحافیوں پر ہی برس پڑے، کمشنر کراچی اعجاز احمد نے کہا کہ پیسے تو مل گئے ہیں لیکن اگلے سال سارے انتظامات ہوجائے گے، اس بار اللہ خیر کرے گا، کمشنر کراچی نے اس سال کراچی والوں کو دعائیں کرنے کا کہہ دیا۔


 

مزید پڑھیئے : کراچی، سعدی گارڈن کے ڈوبنے کا خدشہ


 

میڈیا سے گفتگو کرتے ہوئے کمشنر کراچی اعجاز خان نے بتایا کہ سعدی ٹاؤن میں آنے والا پانی بارش کا پانی ہے،برساتی نالے کے پانی کا مسئلہ اُٹھا کر خوف پھیلانے کی کوشش کی جارہی ہے،یہ برسوں کے مسائل ہیں جنہیں ایک رات میں حل نہیں کیا جاسکتا۔

ایک صحافیوں کی جانب سے حب ڈیم میں شگاف پڑنے سے متعلق پوچھے گئے سوال کے جواب میں کمشنر کراچی اعجاز خان کا کہنا تھا کہ حب ڈیم میں شگاف پڑنے کی مجھے اطلاع نہیں ہے، اگر پولیس کو اس بات کا علم تھاتو مجھے اطلاع دینی چاہیے تھی۔


 

مزید پڑھیئے : کمشنر کراچی کا شہریوں کو پھل کم استعمال کرنے کا مشورہ


 

یاد رہے اس سے قبل رمضان شروع ہوتے ہی مہنگائی پر قابو نہ پانے پر کمشنر کراچی نے عوام کو پھل کم استعمال کرنے کا مشورہ دیا تھا۔

Comments

comments

یہ بھی پڑھیں