The news is by your side.

Advertisement

کراچی میں 26 سال بعد میراتھون ریس کا اہتمام، شہریوں کی بڑی تعداد شریک

کراچی : شہر قائد میں کافی عرصے کے بعد کمشنر  کراچی میراتھون کا اہتمام کیا گیا، شہریوں کی بڑی تعداد نے دوڑ لگائی۔ ریس میں مرد خواتین سمیت ہرعمر کے شہریوں اور اسپیشل افراد نے بھی شرکت کی۔

تفصیلات کے مطابق کراچی میں چھبیس سال کے بعد کمشنر میراتھون کا اہتمام کیا گیا، تقریب کے مہمان خصوصی وزیر اعلیٰ سندھ مراد علی شاہ تھے، کراچی سٹی میراتھون ریس میں مرد خواتین سمیت ہرعمر کے افراد نے شرکت کی۔

میراتھن کا آغاز معین خان اکیڈمی سے ہوا جس میں مجموعی طور پر گیارہ ایونٹس کے مقابلوں میں شہریوں نے بڑھ چڑھ کرحصہ لیا۔ میراتھون میں اسپیشل افراد بھی کسی سے پیچھے نہ رہے۔

اے آر وائی نیوز کے نمائندے سید بسیم افتخار کے مطابق وزیراعلیٰ سندھ سید مراد علی شاہ نے میراتھن ریس کے انعقاد کو سراہتے ہوئے کراچی میں روشنیوں اور اسپورٹس کی بحالی کو امن دشمنوں کی شکست قرار دیا۔

اس موقع پر منتظمین اورغیر ملکی مندوبین کا کہنا تھا کہ طویل عرصہ کے بعد سٹی میراتھون سے شہر میں امن کے فروغ کی کوششوں میں مدد ملے گی۔ بعد ازاں میراتھون ریس میں کامیاب ہونے والے کھلاڑیوں میں انعامات تقسیم کیے گئے۔

Comments

comments

یہ بھی پڑھیں