The news is by your side.

Advertisement

سی ای او کے الیکٹرک کے خلاف پاکستان انجینئرنگ کونسل میں شکایت

کراچی: سی ای او کے الیکٹرک مونس علوی کے خلاف پاکستان انجینئرنگ کونسل میں شکایت موصول ہوئی ہیں۔

تفصیلات کے مطابق سی ای او کے الیکٹرک مونس علوی کے خلاف پاکستان انجینئرنگ کونسل میں موصول ہونے والی شکایات میں کہا گیا ہے کے الیکٹرک کی ویب سائٹ کے مطابق مونس علوی چارٹرڈ اکاونٹنٹ ہیں۔

شکایت کنندگان کا کہنا ہے کہ مونس علوی جون 2018 میں بطور سی ای او کے الیکٹرک تعینات ہوئے،قانون کے تحت سربراہ کے الیکٹرک مستند انجینئر ہی ہو سکتا ہے،کونسل مونس علوی کے خلاف پی ای سی قوانین کے خلاف ورزی پر کارروائی کرے۔

شکایت کنندگان کے مطابق مونس علوی پی ای سی ایکٹ 1975 کے تحت کے الیکٹرک کے سربراہ نہیں بن سکتے۔انہوں نے کونسل سے مطالبہ کیا کہ کے الیکٹرک کے سربراہ مونس علوی کو عہدے سے ہٹایا جائے۔

مونس علوی کا نام ای سی ایل میں شامل کرنے کا حکم

خیال رہے کہ آج سپریم کورٹ رجسٹری میں چیف جسٹس گلزار احمد کی سربراہی میں کراچی میں غیراعلانیہ لوڈ شیڈنگ اور کرنٹ لگنے سے اموات پر سماعت ہوئی۔

چیف جسٹس گلزار احمد نے سماعت کے دوران کراچی میں غیر اعلانیہ لوڈ شیڈنگ اور کرنٹ لگنےسے اموات پر کے الیکٹرک کا مکمل آڈٹ اور سی ای او کے الیکٹرک کا نام ای سی ایل میں شامل کرنے کا حکم دیا۔

Comments

یہ بھی پڑھیں