The news is by your side.

Advertisement

افریقہ سے پولیو کا مکمل خاتمہ، عالمی ادارہ صحت کی تصدیق

جنیوا : عالمی ادارہ صحت نے  بر اعظم افریقہ کو پولیو فری قرار دینے کا باقاعدہ اعلان کردیا ہے، جس کے بعد دنیا بھر میں صرف پاکستان اور افغانستان میں پولیو وائرس موجود ہے۔

تفصیلات کے مطابق دنیا میں پولیو سے متاثرہ تین ممالک میں سے ایک افریقہ  میں بھی پولیو کے کیسز ختم ہوگئے جس کے بعد براعظم افریقا کو پولیو سے پاک قرار دے دیا گیا۔

عالمی ادارہ صحت (ڈبلیو ایچ او)  کے عہدیداران نے اعلان کیا کہ افریقہ میں وائلڈ پولیو کا خاتمہ ہوگیا ہے جس کے بعد افریقا کو پولیو فری قرار دے دیا گیاہے۔

عالمی ادارہ صحت (ڈبلیو ایچ او) کے بعد افریقی ریجنل سرٹیفکیشن کمیشن برائے انسداد پولیو نے بھی تصدیق کر دی ہے اور کہا ہے کہ طویل ویکسی نیشن پروگرام کے بعد افریقا کی 95 فیصد آبادی میں پولیو کے خلاف مدافعت پیدا ہوگئی ہے۔

واضح رہے کہ اب دنیا بھر میں صرف پاکستان اور افغانستان میں پولیو وائرس موجود ہے اور پاکستان میں پولیو کے کیسز سب سے زیادہ ہیں تاہم پاکستان کی انسداد پولیو مہم نے مقررہ ہدف کا 95 اعشاریہ تین فیصد حاصل کرلیا ہے۔

Comments

یہ بھی پڑھیں