The news is by your side.

Advertisement

مغربی طورطریقوں اور بیرونی کلچر سے ہماری اقدار کو خطرہ ہے،وزیراعظم

اسلام آباد: وزیراعظم عمران خان نے انٹرنیٹ پر ہر قسم کے مواد کی باآسانی دستیابی پر تشویش کا اظہار کرتے ہوئے کہا ہے کہ مغربی طورطریقوں اوربیرونی کلچر سے ہماری اقدار کو خطرہ ہے۔

تفصیلات کے مطابق وزیراعظم عمران خان سے نامور لکھاریوں کی ویڈیو لنک کےذریعے ملاقات ہوئی جس میں وزیراعظم نےقومی تہذیب اور پاکستانیت کو اجاگر کرنےکی اہمیت پرزور دیا۔

اس موقع پر گفتگو کرتے ہوئے وزیراعظم نے کہا کہ نوجوان نسل کی تعلیم وتربیت کو بھی چیلنجز درپیش ہیں، اسلامی شعار اور قومی اقدار سے متضاد کلچر کی بھرمار ہے، ہماری تاریخ، ثقافت، معاشرتی اقدارکو خطرات لاحق ہیں۔

وزیراعظم نے کہا کہ انٹرنیٹ پر ہر قسم کے مواد کی باآسانی دستیابی پر تشویش ہے، مغربی طورطریقوں اوربیرونی کلچر سے ہماری اقدار کو خطرہ ہے۔

دوسری جانب وزیراعظم عمران خان کی زیرصدارت کور کمیٹی کا اجلاس شروع گیا ہے،اجلاس میں ملکی سیاسی اورمعاشی صورتحال کاجائزہ لیاجائےگا۔

اجلاس میں کورونا کے بڑھتےکیسز اور حکومتی منصوبہ بندی پر غور ہو گا، وزیراعظم حکومتی اتحادی جماعتوں کےتحفظات پرمشاورت کریں گے۔

Comments

یہ بھی پڑھیں