مشہور کینیڈین گلوکار جسٹن بیبر نے سعودی عرب میں کامیاب کنسرٹ کے بعد انسٹاگرام پر تصاویر شیئر کر دی ہیں۔
تفصیلات کے مطابق 5 دسمبر کو گلوکار جسٹن بیبر نے جدہ میں سعودی عرب کی پہلی گراں پری ریس کے انعقاد کے موقع پر ایک شان دار کنسرٹ میں شرکت کی تھی، جس میں ہزاروں لوگ شریک ہوئے۔
گزشتہ روز انھوں نے اس کنسرٹ کی تصاویر اپنے انسٹاگرام اکاؤنٹ پر شیئر کر دی ہیں، اس پوسٹ کے ذریعے جسٹن بیبر نے جدہ میں اپنی پرفارمنس کے بعد سعودی عرب کا شکریہ ادا کیا ہے۔
View this post on Instagram
کنسرٹ کی تصاویر کے ساتھ جسٹن بیبر نے لکھا تھینک یو سعودی عرب۔
یاد رہے کہ 22 نومبر کو سعودی مقتول صحافی جمال خاشقجی کی منگیتر خدیجہ چنگیز نے کینیڈین گلوکار سے کنسرٹ کی منسوخی کا مطالبہ کیا تھا، اور کہا تھا کہ وہ جمال خاشقجی کے قاتلوں کے لیے کنسرٹ نہ کریں۔
جمال خاشقجی کی منگیتر کا کینیڈین گلوکار جسٹن بیبر سے بڑا مطالبہ
خدیجہ چنگیز نے جسٹن بیبر کے نام ایک کھلا خط لکھ کر مطالبہ کیا کہ آپ کو دنیا کو ایک واضح پیغام دینا چاہیے کہ آپ کا نام، ٹیلنٹ اور آپ کی موسیقی ایسے ملک کے لیے نہیں ہے جہاں ناقدین کا قتل ہو۔
