The news is by your side.

اےآروائی نیوز کی نشریات معطل کرنے کی مذمت کرتا ہوں، نبیل گبول

پیپلزپارٹی کے رہنما نبیل گبول نے حکومت کی جانب سے اے آر وائی نیوز کی نشریات معطل کرنے مذمت کرتے ہوئے کہا ہے کہ ہم آزادی اظہار پر یقین رکھنےوالےلوگ ہیں۔

اے آر وائی نیوز کے پروگرام الیونتھ آور میں گفتگو میں نبیل گبول نے کہا کہ ہم میڈیاکی آزادی پریقین رکھتےہیں اےآروائی نیوز کی نشریات معطل کی گئی ہے اس کی مذمت کرتاہوں۔

نبیل گبول نے کہا کہ عمران خان نے آج گفتگو میں بات چیت پر راضی ہونےکا اشارہ دیا ہے ظاہر ہے پاکستان میں سیاسی عدم استحکام کا تمام اثر معاشی استحکام پر ہو گا عمران خان کےذہن میں جس نے بھی گفتگوکی بات ڈالی خوش آئندہے۔

پیمرا نے اےآروائی نیوز کی نشریات 3 روز کیلئے بند کر دیں

ان کا کہنا تھا کہ ہم نےتو کبھی نہیں کہا کہ مائنس عمران خان ہوناچاہیے عمران خان اگربات چیت کیلئےتیار ہیں تویہ اچھی بات ہےعمران خان اگر ضد بناتے ہیں تویہ خوش آئندعمل نہیں ہوگا یہ کہناکہ بس کچھ بھی ہوجائےالیکشن کرادیں اورکوئی بات نہیں ہوگی غلط ہے۔

Comments

یہ بھی پڑھیں