تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

جنیوا میں ماحولیاتی تبدیلی سے متعلق کانفرنس، پاکستان امداد کی اپیل کرے گا

اسلام آباد: پاکستان اور اقوام متحدہ کے سیکریٹری جنرل کی مشترکہ میزبانی میں سوئٹزر لینڈ کے شہر جنیوا میں ماحولیاتی تبدیلی سے بچاؤ سے متعلق کانفرنس ہوگی جس میں پاکستان سیلاب متاثرہ علاقوں کی بحالی کے لیے امداد کی اپیل کرے گا۔

تفصیلات کے مطابق سوئٹزر لینڈ کے شہر جنیوا میں 9 جنوری کو ماحولیاتی تبدیلی سے بچاؤ سے متعلق کانفرنس ہوگی، سفارت ذرائع کے مطابق وزیر اعظم شہباز شریف 9 جنوری کو کانفرنس کا آغاز کریں گے۔

سفارتی ذرائع کا کہنا ہے کہ پاکستان کو سیلاب متاثرہ علاقوں کی بحالی کے لیے 16.3 ارب ڈالرز کی ضرورت ہے، نصف رقم کا بندوبست پاکستان اپنے وسائل سے کرے گا جبکہ بقیہ نصف عالمی برادری سے درکار ہے۔

سفارتی ذرائع کے مطابق جنیوا کی کانفرنس میں کم سے کم خرچ آئے گا، وزیر اعظم نے کم سے کم وفد لے جانے کی ہدایت کی ہے، کانفرنس کے لیے تیار فریم ورک میں رقم کے شفاف استعمال کا طریقہ موجود ہے۔

کانفرنس میں سرکاری وفد کے سائز کو محدود رکھا گیا ہے۔

سفارتی ذرائع کا کہنا ہے کہ فرانسیسی صدر کانفرنس میں شریک ہوں گے، پاکستان اور اقوام متحدہ کے سیکریٹری مشترکہ میزبانی کر رہے ہیں، کانفرنس میں چاروں صوبوں سے نمائندگی ہوگی۔

ذرائع کا مزید کہنا ہے کہ سیلاب کے فوری بعد 800 ملین ڈالرز کی فوری اپیل پر ڈھائی ملین ڈالرز ملے تھے۔

Comments

- Advertisement -