The news is by your side.

Advertisement

کراچی ایئرپورٹ پر تعینات 6 ملازمین میں کرونا وائرس کی تصدیق

کراچی : جناح انٹرنیشنل ایئرپورٹ پر تعینات سول ایوی ایشن اتھارٹی کے چھ ملازمین کرونا وائرس کا شکار ہوگئے۔

نمائندہ اے آر وائی نیوز کی رپورٹ کے مطابق شہر قائد میں واقع جناح انٹرنیشنل ایئرپورٹ پر تعینات پاکستان سول ایوی ایشن اتھارٹی کے ملازمین میں کرونا وائرس کی تصدیق ہوئی ہے جس کے بعد انہیں قرنطینہ کردیا گیا ہے۔

ذرائع کا کہنا ہے کہ مہلک ترین وائرس کوویڈ 19 کا شکار ہونے والے چھ ملازمین میں ڈومیسٹک ٹرمینل منیجر طارق حمید، انٹرنیشنل ٹرمینل منیجر نعمان خان شامل ہیں۔

نمائندہ اے آر وائی نیوز نے بتایا کہ سینئر اسسٹنٹ ڈائریکٹر اے پی ایس ذوالفقار وحید اور اسسٹنٹ محمد شمیم شیخ بھی کرونا وائرس سے متاثر ہوئے ہیں۔

سی اے اے کے چھ ملازمین میں جان لیوا وائرس کی تصدیق کے بعد اعلیٰ حکام نے متاثرہ متاثرین کی جگہ متبادل افسران و اہلکار کی تعیناتی کے احکامات جاری کردئیے۔

Comments

یہ بھی پڑھیں