معمولی جھگڑا: نوجوان کو گاڑی سے کچل کر قتل کرنے کی کوشش، ملزمان گرفتار -
The news is by your side.

Advertisement

معمولی جھگڑا: نوجوان کو گاڑی سے کچل کر قتل کرنے کی کوشش، ملزمان گرفتار

کراچی : معمولی جھگڑے پر نوجوان کو گاڑی سے کچل کر اس کی جان لینے کی کوشش کی گئی، زخمی نوجوان اسپتال میں زندگی و مورت کی کشمکش میں ہے،کار سوار ملزمان کو پولیس نے گرفتار کرلیا۔

تفصیلات کے مطابق تیس جولائی کو کراچی کے علاقے ڈیفینس میں کار سوار ملزمان نے معمولی جھگڑے پر التمش نامی نوجوان کو گاڑی سے کچل کر جان سے مارنے کی کوشش کی۔

اے آر وائی نیوز کو سی سی ٹی وی فوٹیج موصول ہوگئی فوٹیج میں ملزمان کی درندگی سامنےآگئی جس میں دیکھا جا سکتا ہے کہ سلور گاڑی میں سوار افراد نے نوجوان کو ٹکر ماری۔

پینٹ شرٹ پہنا التمش نامی نوجوان گاڑی سے ٹکرانے کے بعد اچل کر چھت پر پھر نیچے آگرا، ملزمان نے اس پر بھی بس نہ کی اور اسے گھسیٹتے ہوئے دور تک لے گئے، اسے وہاں موجود لوگوں نے اسپتال پہنچایا۔

واقعے کے بعد سے التمش  کی حالت تشویشناک  ہے، اور اسپتال میں کومے کی حالت میں ہے،پولیس نے فوٹیج کی مدد سے دونوں ملزمان مزمل اور شایان کو گرفتار کرلیا، واقعے کے وقت دونوں ملزمان نشے کی حالت میں تھے، دونوں ملزمان کو آج عدالت میں پیش کیا جائے گا۔

Comments

comments

یہ بھی پڑھیں