The news is by your side.

Advertisement

کراچی: کانگو وائرس سے متاثر دوسرا شہری چل بسا

کراچی: شہر قائد میں رواں سال کے دوران کانگو وائرس سے متاثر ہونے والا دوسرا شہری  انتقال کرگیا۔

تفصیلات کے مطابق چمن کے علاقے قلعہ عبداللہ سے تعلق رکھنے والے کراچی کے شہری کو 11 جون کو جناح اسپتال میں داخل کرایا گیا جہاں ابتدائی ٹیسٹ ہونے کے بعد اُس میں کانگو وائرس کی تصدیق ہوئی۔

ڈائریکٹر جناح اسپتال ڈاکٹر سیمی جمالی نے مریض میں کانگو وائرس کی تصدیق کرتے ہوئے کہا تھا کہ رواں سال شہر میں 6 مریضوں رپورٹ ہوئے۔

کچھ دیر قبل ڈاکٹر سیمی جمالی نے بتایا کہ رواں سال کانگو وائرس کےباعث دوسراشخص جناح اسپتال میں چل بسا جس کی شناخت عبید کے نام سے ہوئی، مذکورہ شخص کا تعلق قلعہ عبداللہ سے تھا۔

مزید پڑھیں: کانگو وائرس: علامات اور احتیاطی تدابیر

واضح رہے کہ رواں سال ہی کورنگی کے رہائشی 19 سالہ معید میں بھی کانگو وائرس کی تصدیق ہوئی تھی جبکہ اس سے قبل کوئٹہ سے تعلق رکھنے والے دو مریضوں میں بھی بیماری کی تصدیق ہوئی تھی۔

خیال رہے کہ گزشتہ برس کانگو وائرس پھیلنے کے باعث پورے ملک میں 40 شہری زندگی کی بازی ہار گئے تھے جن میں سے 10 کا تعلق کراچی سے تھا۔

دوسری جانب گزشتہ برس بلوچستان کے مختلف اسپتالوں میں اب تک ایک سو سولہ مریض کانگو کے شبہ میں لائے گئے تھے،جن میں سےاٹھائیس افراد میں کانگو وائرس کی تصدیق ہوئی جبکہ 13مریض کانگو وائرس سے متاثر ہوکر دم توڑ گئے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں