site
stats
پاکستان

مختلف شہروں میں کانگو وائرس سے جاں بحق افراد کی تعداد 30 ہوگئی

کراچی :م ملک کےمختلف شہروں میں کانگو وائرس شدت اختیار کرگیا،کراچی میں کانگووائرس سے سات افراد جاں بحق ہوگئے، مختلف شہروں میں کانگو وائرس سے جاں بحق افراد کی تعداد تیس ہوگئی ہے۔

ملک بھر میں مہلک کانگو وائرس بے قابو ہوگیا، کراچی میں کانگو وائرس کے دو مریض داخل ہوئے ، کراچی کے جناح اسپتال میں چھتیس سالہ یونس کو گزشتہ روز اسپتال لایا گیا تھا، ٹیسٹ میں کانگو وائرس کی تصدیق ہوگئی ہے، کراچی میں اب تک کانگووائرس سے سات افرادجاں بحق ہوچکے ہیں۔

رواں سال بلوچستان کے مختلف اسپتالوں میں اب تک ایک سو سولہ مریض کانگو کے شبہ میں لائے گئے، جن میں سےاٹھائیس افراد میں کانگو وائرس کی تصدیق ہوئی جبکہ تیرہ مریض کانگو وائرس سے متاثر ہوکر دم توڑ گئے۔

پشاور کے حیات آباد میڈیکل کمپلیکس میں کانگو وائرس کا متاثرہ شخص دم توڑ گیا، پشاور میں رواں سال کانگووائر س کے آٹھ کیسز سامنے آئے جن میں سے جاں بحق افراد کی تعداد تین ہوگئی ہے۔


مزید پڑھیں : کانگو وائرس: علامات اور احتیاطی تدابیر


پنجاب میں بہاولپور کے وکٹوریہ اسپتال میں کانگو کے بارہ مریض داخل ہوئے، جن میں سے چار جانبر نہ ہوسکے، ملتان میں کے نشتر اسپتال میں سولہ مریض داخل ہوئے، جن میں سے پانچ افراد میں کانگو وائرس کی تصدیق ہوئی اور تین جاں بحق ہوئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top