The news is by your side.

اےآروائی نیوز بحال ہونے پر عمران خان کی مبارکباد

چیئرمین تحریک انصاف عمران خان نے اے آر وائی نیوز بحال ہونے پر مبارکباد دیتے ہوئے اسلام آباد ہائیکورٹ کے آزادی اظہارِ رائے کے لیے فیصلے کو سراہا ہے۔

گجرات میں تحریک انصاف کے جلسہ عام سے خطاب کرتے ہوئے عمران خان نے کہا کہ اےآروائی نیوز کو مبارکباد دیتے ہیں اسلام آباد ہائیکورٹ کو آزادی صحافت پر اسٹینڈ لینے پر سراہتے ہیں۔

عمران خان نے کہا کہ انہوں نے میری حکومت کیخلاف پروپیگنڈاکیا ان کے ساتھ لفافہ صحافی ملے ہوئے تھے ان لوگوں کیساتھ پیسے لےکر ضمیر بیچنے والےملے ہوئے تھے ان کے ساتھ وہ میڈیا ہاؤس ملا ہوا تھا جو پیسے لےکر سب کچھ کرتا ہے آج بچے بچےکو پتہ ہے کہ وہ میڈیا ہاؤس کون ساہے۔

ان کا کہنا تھا کہ ارشدشریف، صابر شاکر اس حکومت کی دہشت گردی کی وجہ سےملک سے باہر ہیں ایازامیر جیسے غیرت مند دانشور کواس حکومت نےمارنےکی کوشش کی عمران ریاض جیسے باضمیر صحافی کو جیل میں ڈالا گیا اور اےآروائی نیوز کی نشریات بندکی گئی۔

Comments

یہ بھی پڑھیں