چیئرمین تحریک انصاف عمران خان نے قومی ٹیم کو آئی سی سی ٹی ٹوئنٹی ورلڈکپ کے سیمی فائنل میں کامیابی پر مبارکباد پیش کی ہے۔
قومی ٹیم کی شاندار کامیابی پر مبارکبادوں کا سلسلہ برقرار ہے۔ وزیراعظم، آرمی چیف کے بعد عمران خان نے بھی ٹیم کو مبارکباد پیش کی ہے۔
ٹوئٹر پر جاری بیان میں عمران خان نے کہا کہ شاندار جیت حاصل کرنے پر کپتان بابراعظم اور ٹیم کو مبارکباد پیش کرتا ہوں۔
Congratulations to Babar Azam and the team for a great win.
— Imran Khan (@ImranKhanPTI) November 9, 2022
میچ شروع ہونے سے قبل بھی عمران خان نے قومی ٹیم کے لیے نیک تمناوں کا اظہار کرتے ہوئے ان کی حوصلہ افزائی کی تھی۔ عمران خان کا کہنا تھا کہ آپ سے ہماری تمام تر توقع یہی ہے کہ آخری گیند تک مقابلہ کریں۔
واضح رہے کہ آئی سی سی ٹی ٹوئنٹی ورلڈ کپ میں پاکستان نے سیمی فائنل میں نیوزی لینڈ کو7وکٹ سے شکست دے کر فائنل میں جگہ بنا لی۔