سعودی عرب نے بحرین کو فائنل میں آؤٹ کلاس کرتے ہوئے اے سی سی چیلنجر کپ جیت لیا۔
بنکاک میں کھیلے گئے میچ میں سعودی ٹیم نے بحرین کو باآسانی شکست دے کر ٹرافی اپنے نام کر لی۔ فائنل میں سعودی کپتان کا ٹاس جیت کر پہلے بولنگ کرنے کا فیصلہ درست ثابت ہوا۔
بولرز نے شاندار کارکردگی کا مظاہرہ کرتے ہوئے صرف 26 رنز پر بحرین کو پویلین بھیج کر مقابلہ یکطرفہ بنا دیا۔ اسٹار بولر عاطف الرحمان نے 8 اوورز میں صرف 10 رنز کے عیوض 4 کھلاڑیوں کو آؤٹ کیا اور مین آف دی میچ قرار پائے۔
ہدف کے تعاقب میں سعودی اوپنرز نے عمدہ بیٹنگ کرتے ہوئے بغیر کسی نقصان پر 4 عشاریہ ایک اوور میں ٹارگٹ پورا کر لیا۔
سعودی عریبین کرکٹ فیڈریشن کے چیئرمین شہزادہ سعود بن مشعل نے شاندار کامیابی پر ٹیم اور ملکی قیادت کو مبارکباد پیش کرتے ہوئے کہا کہ اس جیت پر وہ ٹیم اور قیادت کو مبارکباد پیش کرتے ہیں جنہوں نے مکمل سپورٹ کیا۔