نئی دہلی: بھارت کی اپوزیشن جماعت کانگریس کے رہنما سندیپ ڈکشت نے بھارتی آرمی چیف کو’سڑک کا غنڈہ‘ قرار دے دیا۔
تفصیلات کےمطابق کانگریس کے رہنما سندیپ دکشٹ نےبھارتی آرمی چیف جنرل پبن روات پر تنقید کرتے ہوئے انہیں ’سڑک کا غنڈہ‘ کہہ ڈالا۔ان کا کہناتھاکہ آرمی چیف جنرل بیپن راوت سڑک کے غنڈے کی طرح بیان بازی کرتے ہیں۔
خیال رہے کہ بھارتی آرمی چیف جنرل بپن روات نے گزشتہ دنوں ایک انٹرویو کے دوران کہا تھا کہ مقبوضہ کشمیر میں مظاہرین اگر پتھر پھینکنے کے بجائے ہتھیاروں کا استعمال کرتے تو یہ مسلح افواج کے لیے آسان ہوتا۔
کشمیری شہری کو جیپ کے آگے باندھنے والے میجر کے لیے اعزازی میڈل
واضح رہےکہ جنرل بپن روات نےمیجر گوگوئی کو بھی سراہا جنھوں نے گذشتہ دنوں پتھراؤ کرنے افراد کے سامنے ایک کشمیری نوجوان کو جیپ کے بونٹ کے سامنے انسانی ڈھال کے طور پر باندھ کر گشت کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
