The news is by your side.

Advertisement

بھاشا اور مہمند ڈیم کی تعمیر رواں سال شروع ہوجائے گی، واپڈا

اسلام آباد : واپڈا کا کہنا ہے کہ ملک کی اہم ضرورت ڈیمز کی تعمیر رواں مالی سال میں شروع ہوجائے گی، بھاشا ڈیامر ڈیم اورمہمند ڈیم کی تعمیر سے پانی اور  بجلی کے مسائل حل ہوں گے۔

واپڈا کے مطابق میں بھاشااور مہمند ڈیم کی تعمیر رواں سال شروع ہوجائے گی ، بھاشا ڈیم میں 81 لاکھ ایکٹر فٹ اور مہمند ڈیم میں 12لاکھ ایکٹر فٹ پانی ذخیرہ ہوگا، دونوں ڈیمز سے مجموعی طور پر 5700 میگا واٹ بجلی پیدا ہوگی۔

رواں مالی سال کے بجٹ میں حکومت نے ان دونوں ڈیمز کی تعمیر کیلئے65 ارب روپے مختص کئے ہیں جبکہ گزشتہ مالی سال میں یہ رقم 37 ارب روپے تھی۔

بینکنگ سیکٹر زرائع کا کہنا ہے کہ چیف جسٹس کے حکم پر کھولے گئے اکاونٹس میں پانچ دن میں تیرہ لاکھ روپے جمع ہوئے ہیں۔

خیال رہے کہ گزشتہ دنوں کالا باغ ڈیم کی تعمیر سے متعلق ہونے والی سماعت چیف جسٹس آف پاکستان نے دیامیر بھاشا اور مہمند کو فوری تعمیر کرنے کے احکامات جاری کرتے ہوئے فنڈز قائم کرنے کا اعلان کیا تھا۔

سپریم کورٹ کی جانب سے حکم جاری ہونے کے بعد وفاقی حکومت نے دو ڈیمز دیامیر بھاشا اور مہمند کی تعمیر کے لیے فنڈز قائم کیے اور اسٹیٹ بینک آف پاکستان نے عطیات جمع کرانے کے لیے اکاؤنٹس کھول دیے تھے۔

چیف جسٹس میاں ثاقب نثار نے ڈیمز کی تعمیر کے لئے دس لاکھ روپے کا عطیہ جمع کرایا تھا جبکہ میئر کراچی اور پیر پگارا نے ہر قسم کے تعاون کی پیشکش کی تھی۔

چیف جسٹس کی تحریک نے اثر دکھایا اور فنکشنل لیگ کے سربراہ پیر پگارا نے ڈیمز کی حمایت کرتے ہوئے جسٹس ثاقب نثار کے نام خط لکھا اور کہا تھا کہ بھاشا کی تعمیر کیلئے ہرقسم کے تعاون کے لیے تیار ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں