کراچی : صارف عدالت شرقی میں نے مہمان کم اور رقم پوری وصول کرنے پر شادی ہال کے مالک پر 2 لاکھ کا جرمانہ کرتے ہوئے وصول کی گئی اضافی رقم واپس کرنے کا حکم دے دیا۔
تفصیلات کے مطابق مہمان کم اور رقم پوری وصول کرنا شادی ہال مالک کو مہنگا پڑ گیا۔
دالت نے شادی ہال کے مالک کو اضافی وصول کیے گیے ایک لاکھ 80 ہزار روپے واپس کرنے کا حکم دے دیا،عدالت نے شادی ہال کے مالک پر 2 لاکھ روپے جرمانہ بھی عائد کردیا ،عدالت نے حکم دیا کہ شادی ہال مالک 30 دن میں تمام واجبات ادا کرے ۔
تفصیلات کے مطابق صارف عدالت شرقی میں شادی ہال مالک کیخلاف درخواست پر سماعت ہوئی۔
درخواست میں کہا گیا کہ 28 اکتوبر 2021 کو بیٹی کے شادی کے لیے ہال بک کرایا تھا ،5 سو مہمانوں کے 4 لاکھ 50 ہزار روپے میں معاملات طے پائے تھے۔
درخواست گزار کا کہنا تھا کہ کرونا کی صورتحال کے باعث حکومت نے صرف 3 سو مہمانوں کو شادی میں بلانے کی اجازات دی تھی تو ہال کے مالک سے کہا کہ 5 سو کی جگہ 3 سو مہمان آئیں گے اس حساب سے ادائیگی کی جائے گی۔
درخواست میں بتایا گیا کہ ہال مالک نے شادی سے ایک دن قبل دھمکی دی کہ مہمان 3 سو ہوں یا 5 سو رقم پوری ادا کی جائے اور پھر شادی ہال مالک نے 3 سو کے بجائے 5 سو مہمانوں کی رقم وصول کی۔
عدالت نے شادی ہال کے مالک کو اضافی وصول کیے گیے ایک لاکھ 80 ہزار روپے واپس کرنے کا حکم دے دی۔
عدالت نے شادی ہال کے مالک پر 2 لاکھ روپے جرمانہ بھی عائد کیا اور حکم دیا شادی ہال مالک 30 دن میں تمام واجبات ادا کرے۔
