The news is by your side.

وزیراعظم شہباز شریف اور نواز شریف کیخلاف توہین عدالت کی درخواست دائر

اسلام آباد : وزیر اعظم شہباز شریف اور نواز شریف کیخلاف توہین عدالت کی درخواست دائر کردی گئی۔

تفصیلات کے مطابق وزیر اعظم شہباز شریف اور نواز شریف کیخلاف توہین عدالت کی کارروائی کیلئےدرخواست دائر کردی گئی۔

اسلام آبادہائیکورٹ میں درخواست سابق سینیٹر سید ظفر علی شاہ نے دائر کی، جس میں وزیر اعظم شہباز شریف، نواز شریف، وزارت داخلہ ،وزارت خارجہ کو فریق بنایا گیا ہے۔

درخواست میں کہا گیا ہے کہ نواز شریف مختلف عدالتوں کا اشتہاری ہے، وہ بیماری کی غرض سے لاہور ہائیکورٹ کی اجازت سے بیرون ملک گئے۔

دائر درخواست میں کہنا تھا کہ نواز شریف کو بیرون ملک بھیجنے کیلئےشہباز شریف نے بیان حلفی جمع کرایا تھا۔

درخواست میں استدعا کی گئی کہ وزیر اعظم شہباز شریف ،نواز شریف کیخلاف توہین عدالت کارروائی شروع کی جائے اور اسلام آباد ہائی کورٹ نواز شریف کی واپسی کے لیے احکامات جاری کرے۔

Comments

یہ بھی پڑھیں