The news is by your side.

Advertisement

وزیرداخلہ احسن اقبال کےخلاف توہین عدالت کی درخواست دائر

اسلام آباد : سپریم کورٹ آف پاکستان میں وزیرداخلہ احسن اقبال کے خلاف توہین عدالت کی درخواست کردی گئی، درخواست میں وزیرداخلہ کے خلاف توہین عدالت کی کارروائی کی استدعا کی گئی ہے۔

تفصیلات کے مطابق سپریم کورٹ میں احسن اقبال کے خلاف توہین عدالت کی درخواست دائر کردی گئی، درخواست میں موقف اختیار کیا گیا ہے کہ وزیرداخلہ نے اپنے بیان میں چیف جسٹس کی توہین کی۔

درخواست گزار نے موقف اختیار کیا ہے کہ احسن اقبال کوآئین کے آرٹیکل 63،64 کے تحت نا اہل قرار دیا جائے، وزیرداخلہ سے وصول کی گئی تمام مراعات اور تنخواہ واپس لی جائے۔

خیال رہے کہ دو روز قبل لاہور ہائی کورٹ میں وزیرداخلہ احسن اقبال اور پیمرا کے خلاف توہین عدالت کی درخواست دائر کی گئی تھی۔

درخواست میں موقف اختیار کیا گیا تھا کہ وزیرداخلہ احسن اقبال نے عدلیہ کے خلاف نازیبا الفاظ استعمال کیے۔ عدالتی حکم کے باوجود احسن اقبال کی عدلیہ مخالف تقریرمیڈیا پرنشر کی گئی۔


چیف جسٹس کو اختیار نہیں کہ وہ ہمیں طعنے دیں بس بہت ہوگیا‘ احسن اقبال

یاد رہے کہ گزشتہ ہفتے25 اپریل کو اسلام آباد میں وزیرمنصوبہ بندی و داخلہ احسن اقبال نےعدلیہ پرتنقید کرتے ہوئے کہا تھا کہ اگر کوئی جج محب وطن ہے تو سیاست دان بھی محب وطن ہیں۔

احسن اقبال کا کہنا تھا کہ اگر میں نے کسی پر غلط الزام لگایا توثبوت دیں توہین نہ کریں، چیف جسٹس کو اختیار نہیں کہ وہ ہمیں طعنے دیں بس بہت ہوگیا۔

وفاقی وزیرداخلہ کا مزید کہنا تھا کہ چیف جسٹس کو گالیاں دینے کا اختیار نہیں ہے، جناب چیف جسٹس دل بڑا کریں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں