پاک فوج ملکی سالمیت کے خلاف ہر اقدام کا منہ توڑ جواب دے گی،آرمی چیف -
The news is by your side.

Advertisement

پاک فوج ملکی سالمیت کے خلاف ہر اقدام کا منہ توڑ جواب دے گی،آرمی چیف

راولپنڈی : آرمی چیف جنرل راحیل شریف کی زیر صدارت ہونے والی کورکمانڈرز کانفرنس میں ملکی سالمیت کو لاحق اندرونی اوربیرونی خدشات کا بہ غور جائزہ لیا گیا۔

تفصیلات کے مطابق کورکمانڈر کانفرنس سے خطاب کرتے ہوئے آرمی چیف کا کہنا تھا کہ پاک فوج کسی بھی بالواسطہ یا بلا واسطہ خطرے سے نمٹنے کے لیے مکمل تیارہے اور ملکی سالمیت اور خود مختاری کے خلاف کیے جانے والے کسی بھی قسم کی جارحیت کا منہ توڑ جواب دیا جائے گا۔

کورکمانڈر کانفرنس میں خطے میں تیزی بدلتی صورت حال پر غورو خوص کے ساتھ بھارت کے منفی پروپیگنڈے کا بھی جائزہ لیا گیا اور لائن آف کنٹرول پر بڑھتے خطرات کا مقابلے کرنے کے لیے اہم فیصلے کیے گئے۔

کانفرنس میں اس عزم کا اعادہ کیا گیا آپریشن ضرب عضب ہر قسم کی رکاوٹوں کو عبور کرتے ہوئے آخری دہشت گرد اور اُن کے سہولت کاروں کے خاتمے تک جاری رہے گا اور ملکی سرحدوں کے تحفظ کو یقینی بنانے کے ساتھ ساتھ اندرون ملک مشکلات کا بھی ڈٹ کر سامنا کیا جائے گا۔

کانفرنس میں پاک فوج کے آپریشنلتیاریوں پر اطمینان کا اظہار کیا گیا کا اور خطے میں تیزی سے بدلتی صورت حال کے پیش نظر ملک کو درپیش اندرونی اور بیرونی خطرات سے نمٹنے کے لیے حکمت عملی بھی وضح کی گئی۔

Comments

comments

یہ بھی پڑھیں