The news is by your side.

Advertisement

پی ایس ایل کا لاہور میں فائنل، کور کمانڈر نے سیکیورٹی کی یقین دہانی کرادی

لاہور: پی ایس ایل کے لاہور میں فائنل کے لیے کور کمانڈر نے سیکیورٹی کی یقین دہانی کرادی، نجم سیٹھی کا کہنا ہے کہ ہماری فوج ہمیشہ مثبت قدم اٹھاتی ہے۔

اے آر وائی نیوز لاہور کے نمائندے شہزاد ملک کے مطابق پارک آرمی کے ایک کرکٹ میچ کے اختتام پر منعقدہ تقریب میں کور کمانڈر لاہور لیفٹیننٹ جنرل صادق علی نے پاکستان سپر لیگ کی انتظامیہ کو اس ایونٹ کے لاہور میں فائنل کرانے کے لیے مکمل سیکیورٹی کی یقین دہانی کرادی۔

اپنے خطاب میں پی ایس ایل کے چیئرمین نجم سیٹھی نے کہا ہے کہ پی ایس ایل کے فائنل کے انعقاد سے ملک میں انٹرنیشنل کرکٹ کی بحالی کے امکانات مزید روشن ہوں گے، پی ایس ایل انٹریشنل کرکٹرز کو راستہ دکھائے گی،ہماری کوشش ہے کہ انٹرنیشنل کرکٹ ملک میں واپس آئے۔

انہوں نے کور کمانڈر کا شکریہ ادا کرتے ہوئے کہا ہے کہ ہماری فوج ہمیشہ مثبت قدم اٹھاتی ہے، لیفٹیننٹ جنرل صادق علی نے ہم سے کہا ہے کہآپ تیاری کریں ہم سیکیورٹی فراہم کریں گے،پاکستان میں امن کی موجودہ صورتحال بہتر ہے پاکستان میں انٹرنیشنل کرکٹ کی واپسی یقینی بنائیں گے۔

 

Comments

comments

یہ بھی پڑھیں