The news is by your side.

Advertisement

کور کمانڈر راولپنڈی کا نکیال سیکٹر کا دورہ، شہید کے اہل خانہ سے ملاقات

نکیال: کور کمانڈر راولپنڈی لیفٹیننٹ جنرل ملک ظفر اقبال نے نکیال سیکٹر کا دورہ کیا اور بھارتی فوج کی فائرنگ کا موثر جواب دینے پر پاک فوج کے جوانوں کے حوصلے کو سراہا۔


یہ پڑھیں: بھارتی فوج کی نکیال سیکٹر پر فائرنگ، 1 شہری شہید 2 بچوں سمیت 5 زخمی


آئی ایس پی آر کے مطابق کور کمانڈر راولپنڈی لیفٹیننٹ جنرل ملک ظفر اقبال نے نکیال سیکٹر کا دورہ کیا اور بھارتی فوجیوں کی فائرنگ کا موثر جواب دینے پر پاک فوج کے جوانوں کی تعریف کی اور ان کے حوصلے کو سراہا۔

کور کمانڈر نے گزشتہ روز بھارتی فوج کی فائرنگ سے شہید ہونے والے شخص کے اہل خانہ سے اظہار تعزیت کیا اور انہیں حوصلہ دیا ساتھ ہی انہوں نے فائرنگ سے زخمی ہونے والے افراد کی عیادت کی۔

واضح رہے کہ گزشتہ روز بھارتی فوج کی بلااشتعال فائرنگ سے شہری عبدالرحمن شہید جب کہ دیگر تین افراد زخمی ہوگئے تھے۔

Comments

comments

یہ بھی پڑھیں