آرمی چیف قمر باجوہ کی زیرِ صدارت کور کمانڈرز کانفرنس qamar bajwa
The news is by your side.

Advertisement

آرمی چیف قمر باجوہ کی زیرِ صدارت کور کمانڈرز کانفرنس

راولپنڈی: آرمی چیف جنرل قمرجاوید باجوہ نے کہا ہے کہ ملک کی سلامتی اور سرحدوں کی حفاظت کے لیے کسی قسم کی قربانی سے دریغ نہیں کریں گے اور وطن عزیز کے دفاع میں اپنی جانیں قربان کردیں گے.

ان خیالات کا اظہار پاک فوج کے سربراہ جنرل قمر باجوہ نے کور کمانڈرز کانفرنس کی صدارت کرتے ہوئے کیا، آرمی چیف نے ملٹری ڈپلومیسی سے متعلق شرکا کو اعتماد میں لیا اورعلاقائی و داخلی سیکیورٹی بالخصوص افغانستان کی صورت حال پربات چیت کی.

پاک فوج کے تعلقات عامہ کے ادارے (آئی ایس پی آر) کے مطابق کور کمانڈر کانفرنس میں افغانستان اور خطے میں امن کے لیے کردار جاری رکھنے پر اتفاق کیا گیا اور پاک افغان سرحد کے انتظامات پر ہونے والی پیشرفت پر بھی گفتگو کی گئی.

آرمی چیف قمر جاوید باجوہ نے پاکستان کا دورہ کرنے والے غیر ملکی وفود سے ہونے والی ملاقاتوں سے متعلق بھی شرکاء کو آگاہ کیا اور آرمی چیف کے بیرون ملک دوروں مین ہونے والی پیشرفت سمیت اندرونی وعلاقائی سیکیورٹی صورت حال پر تبادلہ خیال کیا گیا.

آئی ایس پی آر کے مطابق کور کمانڈر کانفرنس میں ملک میں جاری آپریشن ردالفساد کی رفتار اور کارکردگی کے حوالے سے تبادلہ خیال کیا گیا اور اب تک کی پُرفارمنس پر اطمینان کا اظہار کیا گیا.

آئی ایس پی آر کے مطابق کور کمانڈر کانفرنس میں بلوچستان کی صورت حال بھی زیر غور آئی اور بلوچستان میں جاری آپریشن کا بھی جائزہ لیا گیا جب کہ خوش حال بلوچستان پروگرام کے تحت ہونے والے ترقیاتی پروگرام پر بھی گفتگو کیا گیا.

Comments

comments

یہ بھی پڑھیں