منگلا: کورکمانڈر منگلا لیفٹیننٹ جنرل عمر فاروق درانی نے کہا ہے کہ مسئلہ کشمیر تقسیم بر صغیر کا نامکمل ایجنڈا ہے، مسلح افواج پاکستان وطن عزیز کی سالمیت کے تحفظ کے لیے کسی بھی قربانی سے دریغ نہیں کرے گی۔
میرپور کے قریب منگلا گریثزن کے زیراہتمام یوم دفاع پاکستان کی تقریب سے خطاب کرتے ہوئے کورکمانڈر منگلا لیفٹیننٹ جنرل عمر فاروق درانی کا کہنا تھا کہ جب تک پاک فوج کا ایک بھی جوان زندہ ہے وہ اپنے لہو کے آخری قطرے تک وطن کے چپے چپے کی حفاظت کرے گا۔
کور کمانڈر منگلا نے کہا کہ مسلہ کشمیر تقسیم بر صغیر کا نا مکمل ایجنڈا ہے مسلہ کشمیر کشمیریوں کی امنگوں اور اقوام متحدہ کی قراردادوں کے مطابق حل کیا جائے۔
اس موقع پر انہوں نے شہدا کو بھی زبردست خراج تحسین پیش کرتے ہوئے یاد گار پر پھول چڑھائے اور سلامی دی، بعد ازاں مہمانوں کو جنگی ساز و سامان پر مشتمل نمائش بھی دکھائی گئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں