The news is by your side.

Advertisement

ڈونلڈ ٹرمپ کورونا وائرس کی غلط معلومات پھیلانے کے ذمہ دار قرار

نیویارک : امریکی محققین نے انکشاف کیا ہے دنیا بھر میں کورونا وائرس سے متعلق سب سے زیادہ غلط اور جعلی معلومات پھیلانے کہ ذمہ دار امریکی صدر ڈونلڈ ٹرمپ ہیں۔

امریکی یونیورسٹی کارنیل کے محققین کا کہنا ہے کہ امریکی صدر کوویڈ 19 کی غلط معلومات انفوڈیمک کے سب سے بڑے ڈرائیور ثابت ہوئے ہیں۔

اس حوالے سے کارنیل الائنس فار سائنس کی ٹیم نے رواں سال یکم جنوری سے 26 مئی کے درمیان انگریزی زبان اور مقامی میڈیا میں شائع کردہ 38 لاکھ مضامین کا جائزہ لیا ہے۔

کارنیل الائنس فار سائنس کی ٹیم نے امریکا، برطانیہ، بھارت، آئر لینڈ، آسٹریلیا، نیوزی لینڈ اور دیگر افریقی اور ایشیائی ممالک کا ڈیٹا بیس استعمال کیا۔

کارنیل الائنس فار سائنس کے محققین کا مزید کہنا ہے کہ کورونا وائرس سے متعلق متعدد غلط فہمیاں سامنے آئیں، ان غلط فہمیوں میں نیو ورلڈ آرڈر، معجزاتی علاج، ڈیمو کریٹک پارٹی کے سیاسی فائدے اور چین کی جانب سے وائرس پھیلانے سمیت متعدد نظریات شامل ہیں۔

یاد رہے امریکی صدر ڈونلڈ ٹرمپ اور ان کی اہلیہ ملانیا ٹرمپ کا کورونا ٹیسٹ مثبت آیا جس کے بعد انہوں نے خود کو قرنطینہ کرلیا ہے۔

مزید پڑھیں : امریکی صدر ٹرمپ اور ان کی اہلیہ کے کرونا ٹیسٹ کا نتیجہ آ گیا

کورونا سے متاثر امریکی صدر ٹرمپ کو بخار اور شدید تھکان کا شکار ہونے کے بعد ملٹری اسپتال منتقل کردیا گیا ہے جبکہ میلانیا ٹرمپ کھانسی اور سر درد میں مبتلا ہیں۔

قبل ازیں امریکی صدر ڈونلڈ ٹرمپ نے سماجی رابطے کی ویب سائیٹ ٹوئٹر پر اپنے ایک پیغام میں کہا تھا کہ اپنا اور اہلیہ کا کورونا ٹیسٹ مثبت آنے کی تصدیق کی کرتے ہوئے کہا تھا کہ ہم اس بیماری سےساتھ نمٹیں گے۔

Comments

یہ بھی پڑھیں