The news is by your side.

Advertisement

پاکستان میں کورونا کے کیسز کی تعداد 1296 تک جا پہنچی

اسلام آباد : ملک بھر میں کورونا کےکیسزکی تعداد 1296 ہوگئی ہے جبکہ کورونا سے جاں بحق افراد کی تعداد 11 اور 23 افراد کورونا وائرس سےمکمل طور پر صحتياب ہوچکے ہیں۔

تفصیلات کے مطابق نیشنل کورونا کمانڈ اینڈ کنٹرول سینٹرنے اعدادو شمارجاری کردئیے، جس میں بتایا گیا ہے کہ ملک بھر میں کورونا کے کیسزکی تعداد 1296 ہوگئی ہے۔

اعدادو شمار کے مطابق سندھ میں سب سے زیادہ کيسز 440 جبکہ پنجاب میں تعداد 425 ہوگئى، خیبرپختونخوامیں 180،بلوچستان میں 133 ، اسلام آبادمیں 27 ، آزاد کشمیر میں 2 اور گلگت بلتستان میں 91 کیسز رپورٹ ہوئے۔

کمانڈ اینڈ کنٹرول سینٹر کا کہنا ہے کہ پاکستان میں 23 افراد کورونا وائرس سے مکمل طور پر صحتياب ہوچکے ہیں، سندھ میں14،پنجاب میں 3،اسلام آباد، کے پی کے میں2،2 مریض صحتیاب ہوئے، پاکستان میں صحتیابی کی شرح 1.9 فیصدہے۔

نیشنل کمانڈاینڈکنٹرول سینٹر کے مطابق ملک میں کوروناوائرس سےاموات کی تعداد 11 ہو گئی جبکہ وائرس کے7مریضوں کی حالت تشویشناک ہے، 24 گھنٹےمیں ملک میں کوروناوائرس کے61کیسزرپورٹ ہوئے۔

واضح رہے دنیابھرمیں کوروناوائرس کےمریضوں کی تعدادپانچ لاکھ انچاس ہزارتین سوپانچ اور اموات چوبیس ہزارآٹھ سو اکہترہوگئی ہے جبکہ دنیامیں کوروناکے صحتیاب مریضوں کی تعداد ایک لاکھ اٹھائیس ہزارچھ سو چوون ہے۔

fb-share-icon0
Tweet 20

Comments

comments

یہ بھی پڑھیں