The news is by your side.

Advertisement

پاکستان کے بڑے شہروں میں کورونا کیسز میں مسلسل اضافہ

اسلام آباد : پاکستان کے بڑے شہروں میں کورونا کیسز میں مسلسل اضافہ ہورہا ہے ، سب سے بلند ترین شرح اسکردو میں ریکارڈ کی گئی جبکہ کراچی میں کورونا کی یومیہ شرح 14.60 فیصد رہی۔

تفصیلات کے مطابق پاکستان کے بڑے شہروں میں کورونا کیسز کی یومیہ شرح میں مسلسل اضافہ ریکارڈ کیا جارہا ہے، ذرائع نے بتایا ہے کہ کورونا کی یومیہ بلند ترین 20.14 فیصد شرح اسکردو میں ریکارڈ کی گئی ، گلگت میں یومیہ شرح 6.33 اور دیامر میں 7.48 فیصد رہی۔

ذرائع کا کہنا ہے کہ 24 گھنٹوں کے دوران کراچی میں کورونا کی یومیہ شرح 14.60 ، حیدرآباد میں 8.98 فیصد اور وفاقی دارالحکومت میں کورونا کی یومیہ شرح 11.15 فیصد ریکارڈ ہوئی۔

ذرائع کے مطابق پشاورمیں کورونا کیسز کی شرح 14.24، صوابی میں 7.02 فیصد، مردان میں 9.62 ، ایبٹ آباد میں 13.13 فیصد ، سوات میں 3.28، چارسدہ میں 1.29 فیصد رہی۔

ذرائع نے بتایا کہ 24 گھنٹے میں لاہور میں کورونا کی شرح 9.84 ، گجرات میں 2.16 فیصد، فیصل آباد میں کورونا کی شرح 5.87، گوجرانوالہ میں1.97 فیصد، بہاولپور میں کورونا کیسز کی شرح 6.45 فیصد ریکارڈ کی گئی۔

ذرائع کا کہنا تھا کہ 24 گھنٹے میں راولپنڈی میں کورونا کی شرح 12.54 فیصد اور کوئٹہ میں کورونا کیسز کی شرح 3.87 فیصد رہی جبکہ مظفرآباد میں کورونا کی یومیہ شرح 18.25 ، میرپور میں 12.64 فیصد ہوگئی۔

Comments

یہ بھی پڑھیں