اسلام آباد : وزیرتوانائی حماد اظہر کا کہنا ہے کہ کورونا کی بندشوں کے باعث امریکامیں مہنگائی کی شرح 30سال ، یورپ میں 13سال کی بلندترین سطح پرہے۔
تفصیلات کے مطابق وزیرتوانائی حماد اظہر نے سماجی رابطے کی ویب سائٹ ٹوئٹر پر اپنے پیغام میں کہا کہ ساری دنیا میں کورونا کی بندشیں مہنگائی کا سبب بن گئی ہیں، امریکامیں مہنگائی کی شرح 30سال ، یورپ میں 13سال کی بلندترین سطح پرہے جبکہ پاکستان میں بننے والی موٹرویز اور سڑکیں 2013 کے داموں سے بھی سستی ہیں۔
ساری دنیا میں کرونا کی بندشیں مہنگائی کا سبب بن گئی ہیں۔ امریکہ میں مہنگائی کی شرح تیس سال کی بلند ترین سطح پہ اور یورپ میں ۱۳ سال کی۔
لیکن نون لیگ دور کے مہنگے کارناموں کی وجہ سے 2021 میں پاکستان میں بننے والی موٹرویز اور سڑکیں 2013 کے داموں سے بھی سستی ہیں۔
— Hammad Azhar (@Hammad_Azhar) October 2, 2021
گذشتہ روز وفاقی وزیر توانائی حماد اظہر کا کہنا تھا کہ پیٹرولیم مصنوعات کی قیمتوں میں اضافہ ایک مشکل فیصلہ ہے، پاکستان میں عالمی منڈی کے مقابلے میں قیمتیں کم بڑھائی گئیں۔
حماد اظہر کا کہنا تھا کہ عالمی منڈی میں بڑھتی قیمتوں کے باعث پیٹرولیم قیمتیں بڑھائیں، عالمی منڈی میں پیٹرولیم مصنوعات کی قیمتوں میں زیادہ اضافہ ہوا۔
انہوں نے مزید کہا تھا کہ حکومت پیٹرولیم مصنوعات پر ٹیکس کی شرح بتدریج کم کر رہی ہے، آج بھی اکثر ممالک کے مقابلے میں پاکستان میں تیل کی قیمتیں کم ہیں۔
۔
