The news is by your side.

Advertisement

کرونا کے خوف سے شہری نے اپنی جان لے لی

نئی دہلی بھارتی شہر حیدرآباد میں کرونا وائرس ہو جانے کے خوف سے شہری نے جھیل میں کود کر خودکشی کر لی۔

تفصیلات کے مطابق بھارتی شہر حیدر آباد میں 34 سالہ پلٹو پان نے حسین ساگر جھیل میں کود کر خودکشی کر لی۔پلٹو پان کا تعلق مغربی بنگال سے تھا اور وہ حیدرآباد کے دودھ باولی علاقے میں رہائش پذیر تھا۔

پولیس کے مطابق 34 سالہ شہری کو پچھلے دس دنوں سے شدید بخار اور سانس لینے میں تکلیف ہو رہی تھی، اس نے ایک پرائیوٹ اسپتال سے رجوع کیا جہاں معائنے کے بعد اسے گاندھی اسپتال جانے کا کہا گیا۔

پولیس کا کہنا تھا کہ پلٹو پان نے اپنے دوست شری رام کو فون کر کے بلایا اور اسے تفصیلات بتائی۔بعدازاں وہ دونوں حسین ساگر پہنچے جس کے بعد لیپاکشی کے قریب پلٹو پان نے پانی میں چھلانگ لگا کر خودکشی کر لی۔

پولیس کے مطابق مرنے والے شخص کی لاش ابھی تک نہیں ملی، غوطہ خوروں کی مدد سے لاش کو تلاش کرنے کا عمل جاری ہے۔

یاد رہے کہ گزشتہ دنوں بھارتی شہر ممبئی میں کرونا وائرس کا ٹیسٹ مثبت آنے کے بعد خاتون نے خودکشی کر لی تھی۔

Comments

یہ بھی پڑھیں